ប្រេស៊ីលផ្ដើមគំនិតកោះហៅតែកីឡាករលេងក្លិបក្នុងប្រទេសទៅលេងជម្រើសជាតិ
ជម្រើសជាតិប្រេស៊ីល និងគំនិតនៃការហៅតែកីឡាករដែលលេងក្នុងលីគកំពូលប្រេស៊ីល Brasileirao មកលេងក្រុមជាតិ ត្រូវបានប្រធានាធិបតីលោក Lula គាំទ្រ។
ប្រធានាធិបតីប្រេស៊ីលលោក Luiz Inácio Lula da Silva បានថ្លែងបន្ទាប់ពីក្រុមជម្រើសជាតិប្រេស៊ីលយកឈ្នះក្រុមជម្រើសជាតិឈីលី២ទល់១ ដោយគ្រាប់បាល់ស៊ុតបញ្ចូលទីពីកីឡាកររបសា់ក្លិបលីគប្រេស៊ីល Botafogo ថា៖ «អ្នកនៅខាងក្រៅ មិនប្រាកដថាល្អជាងអ្នកដែលលេងនៅទីនេះទេ»។
ប្រធានាធិតីរូបនេះបានបង្ហាញការគាំទ្រ សម្រាប់គំនិតនៃការហៅតែកីឡាករពីក្របខណ្ឌ Brasileirao ទៅកាន់ក្រុមជម្រើសជាតិ ដោយលើកហេតុផលថា «មិនមានកីឡាករឆ្នើម« នៅបរទេស។
២គ្រាប់របស់ប្រេស៊ីលដែលទទួលបានជ័យជម្នះលើក្រុមឈីលី ក្នុងការប្រកួតជម្រុះ World Cup បានពីការស៊ុតបញ្ចូលទីរបស់កីឡាករ Luiz Henrique និង Igor Jesus ដែលសុទ្ធតែជាកីឡាករមកពី Botafogo ។
ប្រធានាធិបតីប្រេស៊ីលលោក Luiz Inácio Lula da Silva បានមានប្រសាសន៍ថា ថ្មីៗនេះលោកបានជួបជាមួយប្រធានសហព័ន្ធបាល់ទាត់ប្រេស៊ីល (CBF) ហើយបានស្នើលទ្ធភាពជ្រើសរើសតែកីឡាករដែលលេងនៅក្នុងប្រទេស ដែលនឹងដកកីឡាករដូចជា Vinícius, Rodrigo, Militão និង Endrick មកពី Real Madrid ឬ Raphinha មកពី FC Barcelona។
យោងតាមលោក Lula បច្ចុប្បន្ន ក្នុងឍជម្រើសជាតិមិនទាន់មានកីឡាករដែលល្អដូច "Garrinchas ឬ Romários" នៅក្នុងក្រុមមកពីបរទេសនោះទេ។ ពួកគេគ្រាន់តែជា«ក្រុមកីឡាករក្មេងៗដែលមិនទាន់ជាក្លាយជាតារា»។
លោកបានស្នើថា៖ «នៅប្រេស៊ីលមានកីឡាករល្អមានគុណភាពដូចគ្នា ដូច្នេះសូមផ្តល់ឱកាសដល់អ្នកដែលនៅទីនេះ»។
ក្នុងនាមជាអ្នកគាំទ្រក្លិប Corinthians លោករីករាយនឹងការអត្ថាធិប្បាយលើព័ត៌មានកីឡាក្នុងពេលសម្ភាសន៍ ហើយថ្មីៗនេះបានរិះគន់ស្ថានភាពក្រុមរបស់គាត់ទាំងពីរដែលកំពុងស្ថិតក្នុងតំបន់កាត់ចោល ហើយក្រុមជម្រើសជាតិដែលបច្ចុប្បន្នកំពុងឈរនៅលេខរៀងទី 4 ក្នុងវគ្គជម្រុះដែលនៅលើតំបន់កាត់ចោលត្រឹមតែ 3 ពិន្ទុប៉ុណ្ណោះ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
