កីឡាករម្នាក់ត្រូវពិន័យមិនឱ្យលេង 10 ប្រកួតពីបទបំពានពូជសាសន៍លើ Hwang Hee-Chan
ខ្សែការពារ Marco Curto ត្រូវបាន FIFA ពិន័យ 10 ប្រកួតពីបទបំពានពូជសាសន៍លើខ្សែប្រយុទ្ធ Wolves Hwang Hee-Chan ក្នុងការប្រកួតមិត្តភាពមុនបើករដូវកាល។
អ្នកនាំពាក្យរបស់ស្ថាប័នគ្រប់គ្រងបាល់ទាត់ពិភពលោក FIFA បាននិយាយថា៖ «កីឡាករ Marco Curto ត្រូវបានរកឃើញថាទទួលខុសត្រូវចំពោះអាកប្បកិរិយារើសអើង និងត្រូវបានពិន័យដោយការព្យួរការប្រកួតចំនួន 10»។
«ការពិន័យនេះមានសុពលភាពរយៈពេល 2 ឆ្នាំ ហើយកីឡាករត្រូវបានបញ្ជាឱ្យផ្តល់សេវាសហគមន៍ និងទទួលការបណ្តុះបណ្តាល និងការអប់រំជាមួយអង្គការដែលត្រូវបានអនុម័តដោយ FIFA»។
Matt Wild ដែលជានាយកប្រតិបត្តិ និងគ្រប់គ្រងបាល់ទាត់របស់ Wolves បានស្វាគមន៍ចំពោះការពិន័យនេះ ហើយបាននិយាយថា វាជាការផ្ញើសារយ៉ាងច្បាស់ៗ។
Wild បាននិយាយថា៖ "យើងស្វាគមន៍ការសម្រេចចិត្តរបស់ FIFA ក្នុងការដាក់ទណ្ឌកម្ម Marco Curto បន្ទាប់ពីឧប្បត្តិហេតុរើសអើងក្នុងអំឡុងពេលប្រកួតមិត្តភាពមុនរដូវកាលរបស់យើងទល់នឹង Como 1907" ។
"ការព្យួរកីឡាករម្នាក់នេះ ជាការផ្ញើសារយ៉ាងច្បាស់ថាការរើសអើងជាតិសាសន៍ និងអាកប្បកិរិយារើសអើងនឹងមិនត្រូវបានអត់ឱនឱ្យនៅក្នុងបាល់ទាត់ ឬសង្គមឡើយ"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
