តើ Real Madrid ត្រូវបង់លុយប៉ុន្មាន ពេលកីឡាករវ័យក្មេង Endrick ស៊ុតបញ្ចូលទីម្ដងៗ?
កីឡាករ Endrick ដែលជាកីឡាករប្រេស៊ីលវ័យក្មេងបានស៊ុតបញ្ចូលទីគ្រាប់ដំបូងរបស់គេសម្រាប់ Real Madrid ក្នុងការប្រកួតជាមួយ Valladolid កាលពីពេលថ្មីៗនេះ ហើយទទួលបានប្រាក់រង្វាន់ដែលមានចែងក្នុងកិច្ចសន្យារបស់គាត់។
យោងតាមរបាយការណ៍ពី ge.globo រាល់ Endrick ស៊ុតបញ្ចូលទី ការបញ្ជូនបាល់(Assist) ឬក៏ការស៊ុតបាល់ប៉េណាល់ទី Real Madrid នឹងត្រូវបង់លុយរង្វាន់ម្ដងៗ ៣៥០០០ដុល្លារទៅឱ្យ Palmeiras រហូតដល់ឆ្នាំ២០៣០។ ការបង់ប្រាក់ទាំងនេះគឺជាផ្នែកមួយនៃកញ្ចប់ប្រាក់រង្វាន់ដែលអាចសរុបរហូតដល់ 12.5 លានដុល្លារសម្រាប់ក្លិបប្រេស៊ីល អាស្រ័យលើការបង្ហាញគុណផលលេងរបស់កីឡាករ។
កិច្ចសន្យានេះក៏រួមបញ្ចូលផងដែរនូវការបង់ប្រាក់សម្រាប់ព្រឹត្តិការណ៍សំខាន់ៗផ្សេងទៀតដូចជា $75,000 សម្រាប់ការប្រកួតនីមួយៗដែល Endrick ចាប់ផ្តើមក្នុងជម្រើស១១នាក់ដំបូង និងលេងយ៉ាងហោចណាស់ 45 នាទីឡើងទៅ។
លើសពីនេះ មានកុងត្រាដែលអាចមើលឃើញថា Palmeiras ទទួលបានចន្លោះពី 500,000 ដុល្លារទៅ 2 លានដុល្លារ ប្រសិនបើ Real Madrid ឈ្នះ UEFA Champions League ជាមួយនឹង Endrick ចាប់ផ្តើមក្នុងជម្រើស១១នាក់ជាច្រើនប្រកួត។
Real Madrid ក៏ត្រូវរ៉ាប់រងពានរង្វាន់បុគ្គលផងដែរ៖ ប្រសិនបើ Endrick ឈ្នះ Golden Boy, Ballon d'Or ឬបញ្ចប់ក្នុងចំណោមកំពូលទាំងបីក្នុងពានរង្វាន់ FIFA The Best នោះ Palmeiras អាចទទួលបានបន្ថែមពី 1 ទៅ 2 លានដុល្លារ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
