អ្នកគាំទ្រ Barca ចង់ឱ្យក្លិបលក់កីឡាកររូបនេះឱ្យបានឆាប់កាន់តែល្អ
Barcelona ត្រូវការបន្ថែមលុយទៅក្នុងកាបូបរបស់ខ្លួនយ៉ាងឆាប់រហ័ស ប្រសិនបើពួកគេត្រូវធ្វើតាមច្បាប់ 1:1 នៅ La Liga ហើយចុះឈ្មោះក្រុមពេញលេញសម្រាប់រដូវកាលថ្មី។
Barca នឹងធ្វើវា ប្រសិនបើពួកគេទទួលបានប្រាក់ពីអ្នកវិនិយោគរបស់ពួកគេ ដូចដែលប្រភពបាននិយាយ។ ប៉ុន្តែដើម្បីធ្វើឱ្យវាកើតឡើងកាន់តែលឿន កីឡាករកំពូលៗមួយចំនួនចាំបាច់ត្រូវការលក់ចេញ ដើម្បីប្រមូលលុយ។
ដូច្នេះហើយ បានជាមានសំណួរសួរថា តើកីឡាករណាដែល Barca មានលទ្ធភាពលក់ដើម្បីនាំយកប្រាក់ដែលពួកគេកំពុងស្វែងរក?
ទោះបីជា Ferran Torres មិនមានអ្នកកោតសរសើរច្រើនក្នុងចំណោមអ្នកគាំទ្រតាមអ៊ិនធែណិតក៏ដោយ អ្នកគាំទ្រ Barca ភាគច្រើនចង់ឱ្យក្លិបបោះបង់ចោល Frenkie De Jong ជំនួសវិញ។ វាមិនមែនជារឿងអាថ៌កំបាំងទេ ដែលការលក់ចេញ Frenkie បានថ្លៃជាងការលក់ Ferran ដោយពិចារណាលើជំនាញ បទពិសោធន៍ និងភាពប៉ិនប្រសប់របស់គាត់។
នេះជាអ្វីដែលអ្នកគាំទ្រ Barca និយាយ៖
Pedrosimma៖ «ខ្ញុំនឹងលក់ De Jong គាត់មានរដូវកាលដ៏អាក្រក់បំផុតរបស់គាត់នៅក្នុងក្លិបរហូតមកដល់ពេលនេះ របួសញឹកញាប់ ហើយមិនបានលេងច្រើននិងជួយក្លិបសោះ»។
TopMG: «តាមដែលខ្ញុំចង់និយាយ គ្មាននរណាទិញគាត់ក្នុងតម្លៃថ្លៃនោះទេ លុះត្រាតែក្លិបអារ៉ាប៊ីសាអូឌីតចង់បានគាត់ដោយចៃដន្យ។ FDJ គឺជាជម្រើសដ៏ល្អបំផុតរបស់យើង [ដើម្បីរៃអង្គាសប្រាក់]»។
Ogunlade: «De jong ដោយសារតែគាសត់ទទួលបានប្រាក់ឈ្នួលច្រើនហើយ របួសញឹក" ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
