រូបថត Lamine Yamal ថតជាមួយកូនប្រុសរបស់ Cristiano Ronaldo កំពុងតែល្បីខ្លាំង
ខណៈពេលដែល Barcelona កំពុងធ្វើដំណើរកម្សាន្តមុនរដូវកាលរបស់ពួកគេនៅសហរដ្ឋអាមេរិក Lamine Yamal នៅតែសម្រាកលំហែកាយរបស់គាត់ បន្ទាប់ពីបានឈ្នះពានរង្វាន់ Euro ជាមួយអេស្ប៉ាញ។
កីឡាករវ័យ 17 ឆ្នាំរូបនេះនឹងមិនត្រលប់មកហ្វឹកហាត់វិញទេរហូតដល់ពាក់កណ្តាលខែសីហា មុនពេលរដូវកាលថ្មីចាប់ផ្តើម។ ទន្ទឹមនឹងនោះ កីឡាករវ័យក្មេងរូបនេះ កំពុងតែរីករាយនឹងរដូវក្តៅរបស់ខ្លួន ដោយរីករាយនឹងការជិះទូកកម្សាន្តដ៏ប្រណីត និងដើរលេងជាមួយមិត្តភក្តិ។
អ្វីដែលមិននឹកស្មានដល់បំផុតប្រចាំឆ្នាំ Yamal ក៏បានជួបកូនប្រុសរបស់ Cristiano Ronaldo គឺ Cristiano Ronaldo Junior ខណៈពេលដែលវិស្សមកាលនៅប្រទេសព័រទុយហ្គាល់។
ឪពុករបស់ Lamine បានចែករំលែករូបថតកូនប្រុសរបស់គាត់នៅលើ Instagram ជាមួយនឹងចំណងជើងថា "The Royals" ហើយវាបានរីករាលដាលយ៉ាងឆាប់រហ័សនៅលើប្រព័ន្ធផ្សព្វផ្សាយសង្គម។
និយាយអីញ្ចឹង Cristiano Junior ក៏ជាកីឡាករបាល់ទាត់ដែរ ទោះបីមិនដូច Lamine ក៏ដោយ គាត់ទើបមានវ័យ១៤ឆ្នាំហើយលេងក្នុងឈុតយុវជននៅឡើយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
