តើ Jadon Sancho ពិតជាបានសុំទោសលោក Erik Ten Hag ហើយឬនៅ?
លោក Erik ten Hag អ្នកចាត់ការទូទៅរបស់ Man United បានដាក់ការសង្ស័យលើថាតើ Jadon Sancho ធ្លាប់សុំទោសចំពោះទង្វើរបស់គាត់ ដែលនាំឱ្យមានការបែកបាក់រវាងអ្នកទាំងពីរកាលពីរដូវកាលមុនដែរឬទេ។
នៅក្នុងបទសម្ភាសន៍ថ្មីៗនេះ Ten Hag ត្រូវបានគេសួរថាតើ Sancho បានសុំទោសដែរឬទេ ដែលគាត់បានឆ្លើយតបថា៖ «ខ្ញុំគិតថាសេចក្តីថ្លែងការណ៍របស់យើងនិយាយគ្រប់យ៉ាង ហើយវាច្បាស់ និងជាក់ស្តែង»។
ទោះជាយ៉ាងណាក៏ដោយ ការអត្ថាធិប្បាយរបស់ Ten Hag បានបង្កឱ្យមានការភាន់ច្រលំ ខណៈដែលពួកគេមិនបានបញ្ជាក់ថាតើការសុំទោសត្រូវបានធ្វើឡើងឬក៏អត់នោះទេ។
Sancho វ័យ 24 ឆ្នាំត្រូវបានលោក Ten Hag ដកចេញកាលពីរដូវកាលមុន ហើយត្រូវបានបង្ខំឱ្យហ្វឹកហាត់នៅឆ្ងាយពីក្រុមឈុតធំ មុនពេលចូលរួមជាមួយ Borussia Dortmund ក្នុងលក្ខខណ្ឌខ្ចីជើងក្នុងខែមករា។
ទោះបីជាបង្ហាញខ្លួនគួរឱ្យចាប់អារម្មណ៍នៅ Dortmund ប៉ុន្តែ Sancho បានត្រលប់មក United កាលពីខែមុនសម្រាប់ការហ្វឹកហាត់មុនបើករដូវកាល ដែលបង្កឱ្យមានការរំពឹងទុកអំពីអនាគតរបស់គាត់នៅក្លិប។
ការអត្ថាធិប្បាយរបស់ Ten Hag បានលើកឡើងថា បញ្ហារវាងគាត់ និង Sancho ប្រហែលជាមិនត្រូវបានដោះស្រាយទាំងស្រុងនោះទេ ទោះបីជាកីឡាកររូបនេះត្រលប់មកហ្វឹកហាត់វិញក៏ដោយ។
លោក Ten Hag និយាយថា៖«យើងបានទុកអ្វីគ្រប់យ៉ាងឱ្យនៅមួយឡែក ហើយយើងបាននិយាយគ្រប់យ៉ាងអំពីរឿងនេះ» មានន័យថាបញ្ហានេះត្រូវបានពិភាក្សា ប៉ុន្តែការខ្វះភាពច្បាស់លាស់លើការសុំទោស ដែលធ្វើឱ្យមានការបានចោទជាសំណួរបន្ថែមទៀត។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
