បិសាចក្រហម Man Utd តែងតាំងបុគ្គលមានឥទ្ធិពលក្នុងបាល់ទាត់២រូបមកជួយគ្រូធំ Erik Ten Hag
Man United បានបញ្ជាក់ថាលោក Rene Hake និង Ruud van Nistelrooy បានចូលរួមជាមួយក្លិបក្នុងនាមជាជំនួយការអ្នកចាត់ការលោក Erik ten Hag ។ អ្នកទាំងពីរបានចុះហត្ថលេខាលើកិច្ចព្រមព្រៀងរយៈពេលពីរឆ្នាំ។
Ten Hag បាននិយាយថា ៖“ខ្ញុំរីករាយដែល Rene និង Ruud បានយល់ព្រមចូលរួមក្នុងគម្រោងរបស់យើង ដោយបានបន្ថែមបទពិសោធន៍ ចំណេះដឹង និងថាមពលថ្មីៗជាច្រើនដល់បុគ្គលិក។ ឥឡូវនេះគឺជាពេលវេលាដ៏ល្អមួយក្នុងការធ្វើឱ្យក្រុមគ្រូបង្វឹកថ្មីឡើងវិញ ខណៈដែលយើងសម្លឹងរកការកសាងសមិទ្ធិផលក្នុងរយៈពេល 2 ឆ្នាំកន្លងមក ហើយជំរុញឱ្យទៅកម្រិតបន្ទាប់»។
បុគ្គលិកគ្រូបង្វឹក Mitchell van der Gaag និង Benni McCarthy បានចែកផ្លូវជាមួយបិសាចក្រហមហើយ។
Van Nistelrooy បង្ហាញខ្លួនឲ្យ Man United ចន្លោះឆ្នាំ ២០០១ ដល់ ២០០៦ ដោយស៊ុតបញ្ចូលទីបាន ១៥០ គ្រាប់ក្នុងការបង្ហាញខ្លួន ២១៩ លើក។ Hake ធ្លាប់ធ្វើការនៅប្រទេសហូឡង់ រួមទាំងជាគ្រូបង្វឹកនៅ Twente និង Utrecht ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
