មនុស្សដែលមានភាពចាស់ទុំក្នុងខ្លួន ភាគច្រើនមានលក្ខណៈ៦យ៉ាងនេះ
មនុស្សជាច្រើនគិតថា ការស្វែងរកជីវិតគឺគ្រាន់តែទៅកន្លែងច្រើន ជួបមនុស្សច្រើន និងមានទ្រព្យសម្បត្តិច្រើន។ តាមពិតទៅ បទពិសោធន៍ជីវិតពិត គឺជាដំណើរការមួយដែលមនុស្សម្នាក់ៗបន្តស្វែងយល់យ៉ាងស៊ីជម្រៅនៅក្នុងខ្លួនគាត់ ហើយកាន់តែមានភាពចាស់ទុំបន្តិចម្តងៗ។ នៅពេលរឿងនេះកើតឡើង ផ្លូវដែលបានធ្វើដំណើរ និងទិដ្ឋភាពដែលបានជួបប្រទះ ក្លាយជាការយល់ដឹងជ្រៅជ្រះនៃជីវិត! ខាងក្រោមនេះជាលក្ខណៈទាំង ៦ របស់មនុស្សចាស់ទុំ៖
១.ដឹងពីរបៀបដើម្បីពេញចិត្តនឹងជីវិត៖ នៅពេលដែលនរណាម្នាក់បានដឹងពីភាពឥតប្រយោជន៍នៃជីវិត ពួកគេអាចបណ្តុះបេះដូងដែលមិនប្រកួតប្រជែង និងមិនធ្លាក់ទឹកចិត្ត។ ពួកគេបានឆ្លងកាត់បទពិសោធន៍ល្អបំផុត និងទទួលយកអ្វីដែលអាក្រក់បំផុត។ គេអាចរស់នៅកន្លែងខ្ពស់ ឬ ទាប ហើយនៅតែមានអារម្មណ៍សុខសាន្តក្នុងចិត្ត។
២.ប្រឈមមុខនឹងការលំបាកក្នុងជីវិតដោយស្ងប់ស្ងាត់៖ ជីវិតមិនមែនជាផ្លូវរាបស្មើទេ តែងតែមានការឡើងចុះ។ ដូច្នេះហើយ ត្រូវរក្សាចិត្តឲ្យស្ងប់ជានិច្ច ដើម្បីប្រឈមមុខនឹងការលំបាក។ អ្នកដែលអាចរីករាយនឹងការភ្ញាក់ផ្អើលក្នុងជីវិត និងស៊ូទ្រាំនឹងការសាកល្បងនៃជោគវាសនាគឺសមនឹងទទួលបានការកោតសរសើរ។ ពួកគេបានមើលឃើញតាមរយៈជីវិត ហើយអាចរក្សាភាពស្ងប់ស្ងាត់ និងខ្ជាប់ខ្ជួនក្នុងការប្រឈមមុខនឹងការរិះគន់ និងការឡើងចុះក្នុងជីវិត។
៣.ត្រូវចេះអត់ឱនចំពោះមនុស្សគ្រប់គ្នា៖ មនុស្សដែលយល់ច្បាស់ពីជីវិត តែងតែប្រព្រឹត្តចំពោះមនុស្សជុំវិញខ្លួនដោយការគោរព និងគួរសម ហើយពួកគេតែងតែមានឆន្ទៈអត់ធ្មត់ចំពោះកំហុសដោយអចេតនារបស់អ្នកដទៃ។ ផ្ទុយទៅវិញ មនុស្សដែលមិនសូវចេះដឹងច្រើនតែមានអាកប្បកិរិយាផ្តាច់ការ។ ពួកគេតែងតែរិះគន់នៅពេលដែលពួកគេរកឃើញកំហុសរបស់អ្នកដទៃ ដើម្បីអះអាងពី "ជំហរ" របស់ពួកគេ។ អ្នកដែលចេះអត់ឱនចំពោះភាពខុសគ្នា ហើយបើកចិត្តទូលាយនឹងក្លាយជាអ្នកចេះដឹងកាន់តែខ្លាំង ហើយមានជីវិតកាន់តែប្រសើរ។
៤.តែងតែស្វែងរកហេតុផលនៅក្នុងខ្លួនពេលជួបបញ្ហា៖ មនុស្សដែលចាស់ទុំពិតប្រាកដ តែងតែស្វែងរកមូលហេតុ ពេលជួបនឹងបញ្ហាណាមួយ។ ពួកគេដឹងយ៉ាងច្បាស់ថាពិភពលោកគឺស្មុគស្មាញ ហើយគំនិតរបស់ពួកគេប្រហែលជាមិនតែងតែត្រឹមត្រូវនោះទេ។ ដូច្នេះហើយ ពួកគេតែងតែបើកចិត្តឲ្យទូលាយ បន្តកែលម្អខ្លួនឯង និងខិតខំឲ្យកាន់តែប្រសើរឡើង។
៥.គ្រប់គ្រងអារម្មណ៍បានល្អ៖ មនុស្សមានប្រាជ្ញាតែងតែចេះគ្រប់គ្រងអារម្មណ៍របស់ខ្លួន ជាពិសេសចំពោះកំហឹង។ មនុស្សដែលឆាប់ខឹង និងឆេវឆាវ តែងតែបាត់បង់ការគ្រប់គ្រង ដែលនាំអោយមានសកម្មភាពមិនសមហេតុផល ដែលពិបាកសម្រាប់អ្នកដទៃទទួលយក និងអាចបណ្តាលឱ្យមនុស្សជុំវិញខ្លួនឈឺចាប់។
៦.បន្ទាបខ្លួនជានិច្ច៖ មានសុភាសិតមួយឃ្លាថា៖ «ការបន្ទាបខ្លួនអាស្រ័យលើចំណេះដឹង ភាពក្រអឺតក្រទមអាស្រ័យលើអវិជ្ជា»។ មនុស្សដែលចេះដឹងភាគច្រើនជាមនុស្សចេះដាក់ខ្លួន ពួកគេមិនដែលមើលងាយ និងមិនដែលមើលស្រាលអ្នកដទៃឡើយ។ ដោយសារពួកគេបានឆ្លងកាត់ការយល់ដឹងជាច្រើនអំពីជីវិត ពួកគេអាចសម្គាល់ចំណុចខ្សោយរបស់ពួកគេបានយ៉ាងច្បាស់។ មនុស្សដែលចេះបន្ទាបខ្លួនបែបនេះ តែងតែទទួលបានការគោរព និងសេចក្តីស្រឡាញ់ពីអ្នកដទៃ៕
ព័ត៌មានថ្មីៗ
