ចង់ដឹងថាមនុស្សមានពរជ័យច្រើនឬតិច អាចសង្កេតមើលលក្ខណៈទាំង៣នេះបាន
ជីវិតនេះប្រហែលជាពោរពេញទៅដោយមនុស្សមិនយល់ពីរឿងពរជ័យនេះទេ តែងតែគិតថាខ្លួនមានលុយច្រើនគឺគ្រប់គ្រាន់ហើយ តែជាក់ស្តែងបើអ្នកមិនមានលក្ខណៈ៣យ៉ាងនេះទេ ទោះមានលុយកម្រិតណាក៏ត្រូវបាត់បង់ពរជ័យទាំងអស់ដែរ រីឯជីវិតនឹងគ្មានក្តីសុខឡើយ។
១.សម្បូរដោយចិត្តសប្បុរស៖ អ្នកចាស់ទុំបានណែនាំថា រក្សាអាហារសម្រាប់សត្វកណ្តុរ កុំបំភ្លឺចង្កៀងសម្រាប់សត្វល្អិត។ កុំឲ្យសត្វកណ្ដុរស្លាប់ដោយសារតែអាហារដែលនៅសេសសល់ កុំឲ្យសត្វល្អិតហើរចូលភ្លើង និងកុំបំភ្លឺចង្កៀងពេលយប់។ មនុស្សដែលមានចិត្តមេត្តាគឺជាអ្នកដែលបានបណ្តុះចរិតលក្ខណៈរបស់ខ្លួន។ បើគ្មានសេចក្តីសប្បុរសទេ មនុស្សម្នាក់ក៏មិនខុសពីឈើ ថ្ម ឬ ស្មៅដែរ ពោលគឺគ្មានតម្លៃជាមនុស្ស។
២.របៀបរស់នៅសាមញ្ញ៖ ក្នុងជីវិតនេះ យើងតែងតែចង់មានរបស់ជាច្រើន ដូច្នេះហើយយើងបន្តព្យាយាមប្រឹងប្រែងឥតឈប់ឈរពេញមួយជីវិត។ ជីវិតនេះនឹងសូន្យទៅនៅថ្ងៃណាមួយ ហើយអ្វីដែលយើងទទួលបានគឺមានតែទេសភាពនៅលើផ្លូវប៉ុណ្ណោះ ដូច្នេះយើងត្រូវចេះសម្របខ្លួន កុំឱ្យប្រមាថអ្នកដទៃ និងរស់នៅដោយសាមញ្ញទេ ទើបចិត្តមានសេរីភាព។
៣.ដឹងពីរបៀបរស់សម្របជាមួយអ្នកដទៃ៖ នៅក្នុងសង្គមដ៏ក្តៅគគុកនេះ មនុស្សជាច្រើននឹងឆាប់ខឹង និងពោរពេញដោយការស្អប់ខ្ពើម នៅពេលដែលជួបប្រទះនូវស្ថានការណ៍មិនល្អណាមួយ ហើយនឹងប្រព្រឹត្តនូវទង្វើមិនត្រឹមត្រូវជាច្រើន។ បើអ្នកបន្តរស់នៅជាមួយនឹងការអន់ចិត្តនោះ អ្នកនឹងមិនមានជីវិតដែលមានចិត្តល្អទេ។ ចូរព្យាយាមសម្របខ្លួន អត់ឱន និង អធ្យាស្រ័យពេលអ្នកដទៃធ្វើខុស ព្រោះពេលខ្លះវាគ្រាន់តែជាកំហុសអចេតនាតែប៉ុណ្ណោះ៕
ប្រភព៖ បរទេស
ប្រែសម្រួលដោយ៖ ក្នុងស្រុក
ព័ត៌មានថ្មីៗ
