ផ្នែកលើតួខ្លួនទាំង ៥ របស់ស្ត្រី ទំហំកាន់តែតូច កាន់តែនាំភាពរុងរឿងដល់ជីវិត
ផ្នែកនៃរូបរាងកាយទាំង ៥ របស់ស្រ្តី ដូចបង្ហាញខាងក្រោម តាមក្បួនហុងស៊ុយ ទំហំកាន់តែតូច នោះកាន់តែនាំលាភ នាំសំណាង និងជីវិតអាពាហ៍ពិពាហ៍ពោរពេញទៅដោយក្តីសុខ៖
៥) ដើមទ្រូងតូច
តាមរយៈការសិក្សាមួយបង្ហាញថា ស្រ្តីដែលមានដើមទ្រូងតូច សូមកុំប្រញាប់មានការអាក់អន់ចិត្តអី ព្រោះជាទូទៅប្រភេទដើមទ្រូងតូចគឺគេមើលមកជាស្រ្តីដែលមានភាពប្រណីត និងស៊ីវិល័យទៅវិញទេ។
លើសពីនេះតាមការស្រាវជ្រាវ បុរសដែលខ្លាំងខាងផ្នែកហិរញ្ញវត្ថុ រមែងសម្លឹងឃើញតែនារីដែលមានដើមទ្រូងតូចមកធ្វើជាគូអនាគតទេ។
៤) ស្មាតូច
ក្នុងក្បួនហោរាសាស្ត្រ ស្រ្តីដែលមានស្មាតូច ក្រៅពីអនុញ្ញាតឲ្យពួកគេអាចស្លៀកពាក់មើលទៅឃើញស្អាត ជាងនេះពួកគេក៏រមែងជាស្រ្តីដែលមានភាពឆ្លាតវៃ ពូកែខាងទំនាក់ទំនង និងជាមនុស្សមានយុទ្ធសាស្រ្តខ្ពស់ផងដែរ។
ការប្រកបរបររកស៊ីអ្វី គឺឆាប់បានលាភ បានចំណេញ ហើយមុខតំណែងការងារក៏ឆាប់នឹងឡើងខ្ពស់យ៉ាងរហ័សដែរ។
៣) ចង្កេះតូច
ស្រ្តីដែលមានចង្កេះតូច រាងពងក្រពើ ក្រៅពីបង្ហាញអំពីដំណើរការសុខភាពល្អរបស់នាងហើយ ជាងនេះនាងក៏ជាមនុស្សដែលចេះរៀបចំផែនការណ៍ជីវិតគ្រួសារឲ្យមានសុភមង្គលខ្លាំងដែរ។
ជាក់ស្តែងបើក្នុងជីវិតគូ នាងដឹងច្បាស់អំពីការបង្កើតក្តីស្រលាញ់សម្រាប់ស្វាមីនិងកូន ហើយលើផ្នែកហិរញ្ញវត្ថុនាងពូកែសន្សំទុកដាក់ និងចេះជួយប្តីបង្កើនសេដ្ឋកិច្ចគ្រួសារ។ បុរសដែលរៀបការជាមួយមនុស្សស្រីប្រភេទនេះគឺមានសំណាងបំផុត។
២) មាត់តូច
មនុស្សស្រីដែលមានមាត់តូចរមែងត្រូវបានគេកោតសរសើរនូវភាពវាងវៃ និងការដែលពោរពេញដោយថាមពលរបស់នាង ហើយនាងត្រូវបានគេចាត់ទុកជាមនុស្សដែលមានភាពរុងរឿង។ នៅក្នុងជីវិតអាពាហ៍ពិពាហ៍ប្រភេទមនុស្សស្រីនេះ រមែងជួយប្តីឲ្យថ្កុំថ្កើងលឿនណាស់។
១) ជើងតូច
មនុស្សស្រីដែលមានជើងតូច តែវែង គឺជាមនុស្សស្រីដែលបុរសពេញចិត្តបំផុត ហើយក្នុងជីវិតរបស់នាងគឺរមែងពោរពេញដោយភាពសប្បាយរីករាយ លុយកាក់ហូរចូលមិនខ្វះ និងជាពិសេសលើរបស់របរប្រើប្រាស់សំលៀកបំពាក់អ្វីជាដើម មិនបានក្លាយជាបញ្ហាសម្រាប់នាងឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
