ពាក្យសំដីពិតជាអាចបង្ហាញពី វាសនារបស់មនុស្សស្រីម្នាក់បាន-2
ពាក្យសំដីគឺប្រៀបដូចជាកញ្ចក់មួយផ្ទាំង វាអាចយកផ្ទៃខាងក្នុងរបស់មនុស្សម្នាក់បង្ហាញចេញមកទាំងអស់គ្មានសល់។
កវីនិពន្ធជនជាតិអង់គ្លេសម្នាក់បានពោលថា៖ “ ពាក្យសំដីគឺជាអាវក្រៅនៃចិត្តគំនិត។”ពាក្យសំដីរបស់មនុស្សស្រីម្នាក់ អាចមើលឃើញអំពីស្ថានភាពនៃការរស់នៅរបស់នាង ដូចជា សុជីវធម៌ សេចក្តីថ្លៃថ្នូរ និងការអប់រំនៅក្នុងគ្រួសាររបស់នាងផងដែរ។ប្រសិនបើដួងចិត្តរបស់នាងពោរពេញដោយភាពកក់ក្តៅ នោះនាងនឹងពោលពាក្យប្រកបដោយភាពកក់ក្តៅ ផ្ទុយមកវិញប្រសិនបើដួងចិត្តនាងពោរពេញដោយភាពល្វីងជូរចត់ នោះពាក្យដែលនាងបានពោលចេញមកប្រាកដជាសុទ្ធតែពាក្យសំដីអវិជ្ជមានជាមិនខាន ។
ពាក្យមួយពោលបានល្អខ្លាំងណាស់៖ ចង់ដឹងពីចរិកមនុស្សប្រុសម្នាក់ អ្នកត្រូវធ្វើការជាមួយគេអោយបានច្រើន។ ចង់ដឹងពីចរិកមនុស្សស្រីម្នាក់វិញ អ្នកត្រូវនិយាយជានាងអោយបានច្រើន។
១.មនុស្សស្រីចូលចិត្តពោលពាក្យមិនល្អ មួយជីវិតនេះរស់នៅមិនសូវបានសុខស្រួលទេ
ការប្រឈមមុខនិងជីវិត មានអ្នកខ្លះរស់នៅដោយរីករាយ មានអ្នកខ្លះទៀតរស់នៅដោយភាពទុក្ខសោល។ ប្រសិនបើចិត្តគំនិតមិនដូចគ្នា នោះការរស់នៅក៏មិនដូចគ្នាដែរ។ ក្នុងសង្គមបច្ចុប្បន្ន មានមនុស្សស្រីជាច្រើនត្រូវរ៉ាប់រងការងារក្នុងផ្ទះ និងក្រៅផ្ទះ ប្រឹងប្រែងធ្វើការទាំងយប់ថ្ងៃ ប៉ុន្តែជួនខ្លះក៏មិនត្រូវបានមនុស្សក្នុងគ្រួសារផ្តល់តម្លៃអោយដែរ តើហេតុអ្វីទៅ?
រឿងនេះកើតឡើងក្នុងសាច់ញាត្តិរបស់ខ្ញុំផ្ទាល់ ម្តាយមីងខ្ញុំជាមនុស្សស្រីពូកែម្នាក់ ប៉ុន្តែគាត់តែងតែបណ្តោសលិចបណ្តោសកើត និងខឹងសម្បារដល់ប្តីរបស់គាត់ ថាជាមនុស្សគ្មានប្រយោជន៍ និងអត់កំណើត។មនោសញ្ចេតនាប្តីប្រពន្ធពួកគាត់គឺធម្មតាទេ ហើយជីវិតគ្រួសារដែលគាត់ទទួលបានគឺមិនមែនជាអ្វីដែលគាត់ចង់បាននោះឡើយ។ម្តាយមីងខ្ញុំតែងតែពោលពាក្យបណ្តោស ដោយសារតែពាក្យសំដីគាត់នេះហើយ ធ្វើអោយប្តីរបស់គាត់រស់នៅពោរពេញដោយសម្ពាធ ធ្វើអោយបរិយាកាសគ្រួសារទាំងមូលអាប់អួរ។
មនុស្សដែលចូលចិត្តបណ្តោស ជីវិតគឺឋិតនៅក្នុងមជ្ឈដ្ឋានអាប់អួរ។រមែងយល់ថាខ្លួនគ្មានសមត្ថភាពកែប្រែជីវិតរបស់ខ្លួន រមែងចង់ទទួលបានការអាណិតអាស៊ូពីគេ និងចង់បានការយល់ចិត្តពីមនុស្សកាន់តែច្រើន។មនុស្សដែលចូលចិត្តពោលពាក្យបណ្តោសច្រើន គឺរស់នៅមិនសូវស្រួលឡើយ។ពីព្រោះ ពាក្យសំដីបណ្តោស វាបានជះឥទ្ធិពលចំពោះខួរក្បាលគឺជាសញ្ញាសំងាត់នៃភាពអវិជ្ជមានមួយ។មនុស្សស្រីដែលចូលចិត្តបណ្តោសច្រើន នៅក្នុងជីវិតគ្រួសារកាន់តែមិនត្រូវបានបុរសជាប្តី ចេះស្តាយស្រណោះ និង ថែរក្សាឡើយ ពីព្រោះ គ្មានអ្នកណាចង់រស់នៅជាមួយមនុស្សដែលចូលចិត្តបណ្តោសគេនោះទេ។
២.សំដីដែលចេញពីមាត់របស់នាង គឺបង្ហាញពីស្ថានភាពនៃការរស់នៅរបស់នាង
មនុស្សម្នាក់រស់នៅក្នុងជីវិតបែបណា ស្តាប់តាមរយៈសំដីរបស់គេគឺដឹងហើយ។ពាក្យសំដី នឹងបង្ហាញអំពីវប្បធម៌ និងសុជីវធម៌របស់មនុស្សម្នាក់។មនុស្សកាន់តែមានសម្បត្តិផ្ទៃក្នុងល្អ កាន់តែចេះនិយាយសំដីដោយមានភាពត្រឹមត្រូវ។ពេលប្រាស្រ័យទាក់ទងជាមួយគេឯង តែពោលពាក្យសំដីរាបសារ ជាហេតុធ្វើអោយជុំវិញកាន់តែមាននិស្ស័យល្អជាមួយខ្លួន និងទាញឳកាសល្អៗជាច្រើនអោយចូលក្នុងជីវិតរបស់ខ្លួន។ចិត្តមនុស្សម្នាក់កាន់តែល្អ ពាក្យពេជន៍ដែលនិយាយសុទ្ធតែពោរពេញដោយថាមពលវិជ្ជមាន ហើយជម្រុញអោយខ្លួនឯងកាន់តែក្លាយទៅជាមនុស្សល្អ។
មនុស្សស្រីដែលមានវាសនាល្អ ពាក្យដែលគេនិយាយ សុទ្ធតែជាពាក្យទន់ភ្លន់ វិជ្ជមាន ធ្វើអោយបរិយាកាសនៅក្នុងគ្រួសារកាន់តែល្អឡើងៗ។ម្យ៉ាងទៀត សំដីដែលនិយាយចេញពីមាត់របស់នាងគឺធ្វើអោយអ្នកផងជុំជិតស្រលាញ់ រាប់អាន និងធ្វើជាគំរូល្អដល់កូនចៅទៀតផង។វាសនាមនុស្សស្រីល្អម្នាក់ តាមពិតទៅអាស្រ័យលើចិត្តរបស់គេជាអ្នកកំណត់។ចិត្តគំនិតល្អ កាន់តែធ្វើអោយសម្រស់ក្មេងជាងវ័យ និងកាន់តែជួយសម្រួលដល់ស្ថានភាពលំបាកដែលខ្លួនបានជួបប្រទះទៀតផង។ដរាបណានៅមានជីវិត ត្រូវគ្រប់គ្រងមាត់ខ្លួនអោយបានល្អ កុំចេះតែដើរបណ្តោសគេ ព្យាយាមរៀនរស់នៅដោយគំនិតវិជ្ជមាន។
៣.មនុស្សស្រីដែលមានវាសនាល្អ ពាក្យសំដីដែលនិយាយចេញមកគឺជាពាក្យទន់ភ្លន់
មនុស្សដែលមានចិត្តគំនិតល្អ សំដីដែលនិយាយចេញមកភាគច្រើនសុទ្ធទន់ភ្លន់។ពេលដែលចិត្តគំនិតរបស់ខ្លួនល្អហើយនោះ នឹងធ្វើអោយផ្លូវជីវិតអាចកាន់តែដើរកាន់តែរលូន។មនុស្សនៅក្នុងលោកនេះ គ្មាននរណាម្នាក់ចង់អោយខ្លួនឯងរែកបន្ទុកជីវិតច្រើនពេកនោះទេ គ្រាន់តែមិនដឹងធ្វើយ៉ាងណាមានតែបង្ខំខ្លួនឯងតែប៉ុណ្ណោះ។
មនុស្សជាច្រើនរស់នៅក្នុងសម្ពាធបានរង្វេងបាត់ខ្លួនឯង និងទិសដៅរបស់ខ្លួន ពួកគេមិនដឹងអត្ថន័យដែលខ្លួនត្រូវតស៊ូគឺជាអ្វីនោះទេ។តាមពិត ការប្រឹងប្រែងធ្វើអោយជីវិតរស់នៅបានល្អ គឺជាអត្ថន័យជីវិតដែលយើងចង់បាននេះហើយ។មិនថាជារឿងស្របចិត្ត ឬបញ្ច្រាសចិត្តនោះទេ សុទ្ធតែជាដំណើរផ្លូវឆ្លងកាត់ដ៏មានតម្លៃរបស់យើង។មនុស្សស្រីដែលមានវាសនាល្អ គេចេះទទួលយកភាពមិនល្អនៅក្នុងជីវិត និងប្រើចិត្តទៅឈេ្វងយល់ពីការបាត់បង់ និងទទួលបាន ព្រមទាំងអាចសរុបបទពិសោធន៍ និងធ្វើអោយជីវិតកាន់តែល្អប្រសើរ។
ជីវិត មិនអាចចេះតែមានផ្សែងអាប់រហូតនោះទេ ពួកយើងមិនត្រូវអោយផ្សែងអាបនោះ បិទបាំងដួងចិត្តយើងឡើយ។
មានពេលជាច្រើន ការរៀនចេះសារ៉េផ្លូវចិត្តខ្លួន ប្រើចិត្តវិជ្ជមានទៅទទួលយកបទពិសោធន៍ក្នុងជីវិត គង់តែអាចឃើញផ្ទៃមេឃដ៏ស្រស់បំព្រងនោះទេ។ រក្សាផ្លូវចិត្តអោយបានល្អ ពោលពាក្យសំដីល្អៗ នោះសិរិមង្គលនឹងចូលមកដោយឯកឯងជាមិនខាន។
រៀបរាងដោយ៖ Mythical Bird/ក្នុងស្រុក
ព័ត៌មានថ្មីៗ
