សញ្ញាព្រមាន! គ្រោះថ្នាក់ទាំង ៥ ដោយសារអាហារមានជាតិស្ករ ឬផ្អែមខ្លាំងហួសកម្រិតពេក
ការប្រើប្រាស់ស្ករច្រើន អាចបណ្តាលឱ្យមានបញ្ហាសុខភាពជាច្រើន។ បញ្ហាទាំងនេះអាចកើតឡើងនៅពេលអ្នកញុំាស្ករច្រើនពេក។
១. ឡើងទម្ងន់
នេះ គឺជាសញ្ញាមួយដែលងាយនឹងសម្គាល់បំផុត ក្នុងការញុំាស្ករច្រើនពេក។ អាហារសម្រន់ដូចជាស្ករគ្រាប់ ភេសជ្ជៈកាបូន ... គឺជាបុព្វហេតុទូទៅនៃការឡើងទម្ងន់។ បរិមាណជាតិស្ករនៅក្នុងការផលិតផលទាំងនេះ គឺធំធេងណាស់ ហើយជះឥទ្ធិពលដល់ការកើនឡើងនៃការផលិតអាំងស៊ុយលីន ដែលផ្ទុកជាតិខ្លាញ់លើសនៅក្នុងពោះ។
២. ជំងឺពុកធ្មេញ
បង្អែមអាចជម្រុញការបង្កើតការពុកធ្មេញ។ តាមពិតស្ករមិនបណ្តាលឱ្យពុកធ្មេញទេ ប៉ុន្តែវាធ្វើឱ្យខូចខាតបន្ទះអាហារដែលនៅលើធ្មេញ ប្រសិនបើមិនរំលាយ ឬសម្អាត វានឹងជួយសម្រួលដល់ការលេចចេញនូវបន្ទះនៅលើធ្មេញ។ វាបំផ្លាញផ្ទៃរឹងនៃធ្មេញ និងបង្កើតប្រហោងតូចៗ។
អាហារដែលមានជាតិស្ករផ្សេងទៀតដូចជា បង្អែម នំខេកជាដើម អាចជាប់នៅចន្លោះធ្មេញរបស់អ្នក និងពន្លឿនដំណើរការបំផ្លាញធ្មេញរបស់អ្នក។
៣. ឡើងមុន
អាហារដែលមានជាតិស្ករខ្ពស់ ជួយបង្កើនកម្រិតអាំងស៊ុយលីននៅក្នុងខ្លួន និងចាប់ផ្តើមដំណើរការនៃការផ្សារភ្ជាប់ស្ករជាមួយម៉ូលេគុលប្រូតេអ៊ីន។ នៅពេលគ្លុយកូសចូលក្នុងចរន្តឈាម វាបណ្តាលឱ្យមានដំណើរការស្មុគស្មាញនៃដំណើរការសរីរវិទ្យា។ លទ្ធផលចុងក្រោយ គឺជំងឺរលាកស្បែក និងបញ្ហាស្បែក។ ការកើនឡើងអាំងស៊ុយលីនអាចធ្វើឱ្យក្រពេញប្រេងមានជាតិខ្លាញ់ច្រើនហួសប្រមាណនៅក្នុងស្បែក និងបង្កឱ្យមានដំណើរការកន្សោម។
នេះមានន័យថា របបអាហារដែលមានជាតិស្ករខ្ពស់ ត្រូវបានផ្សារភ្ជាប់ជាមួយនឹងការកើនឡើងមុន។ ប្រសិនបើស្បែករបស់អ្នកកាន់តែធ្ងន់ធ្ងរ សូមព្យាយាមកាត់ជាតិស្ករនៅក្នុងរបបអាហាររបស់អ្នក ដើម្បីជួយឱ្យស្ថានភាពប្រសើរឡើង។
៤. ជំងឺផ្តាសាយញឹកញាប់
ការទទួលទានជាតិស្ករច្រើនពេក ប៉ះពាល់ដល់មុខងាររបស់កោសិកាឈាមស ដោយហេតុនេះ ប៉ះពាល់ដល់ប្រព័ន្ធភាពស៊ាំ។ នៅពេលភាពស៊ាំចុះខ្សោយ អ្នកទទួលរងផលប៉ះពាល់។ នោះគឺជាសញ្ញាមួយក្នុងចំណោមសញ្ញាដែលអ្នកអាចនឹងកំពុងទទួលទានស្ករច្រើនពេក។
៥. ចំណង់ការញុំាបង្អែម
ស្ករក៏បង្កើតឱ្យមានអារម្មណ៍រំជើបរំជួលផងដែរ។ បន្ទាប់ពីអ្នកញុំាស្ករជួយរំញោចរាងកាយឱ្យបញ្ចេញនូវសារធាតុដូប៉ាមីន និងធ្វើឱ្យអ្នកមានអារម្មណ៍ធូរស្បើយ។ ទោះជាយ៉ាងណាក៏ដោយ នៅពេលដែលជាតិស្ករត្រូវបានគេលុបបំបាត់អ្នកនឹងមានអារម្មណ៍អស់កម្លាំងភ្លាមៗហើយចង់ញុំាថែមទៀត។ ដំណើរការនេះត្រូវបានធ្វើម្តងហើយម្តងទៀត ដែលបណ្តាលឱ្យអ្នកញុំស្ករកាន់តែច្រើន។ ប្រសិនបើអ្នកជួបប្រទះការឃ្លានអាហារផ្អែមជាញឹកញាប់ វាជាសញ្ញាបង្ហាញថាអ្នកកំពុងញុំស្ករច្រើនពេក។
#កំណត់ចំណាំ ៖ តើគួរញុំាស្ករប៉ុន្មានទើបល្មម?
យោងទៅតាមសាជីជ្រុងអាហារូបត្ថម្ភ មនុស្សម្នាក់គួរតែញុំាស្ករមិនលើសពី ៥០០ ក្រាមក្នុងមួយខែ។ ប្រសិនបើចែកឱ្យស្មើៗគ្នាក្នុងមួយថ្ងៃ មិនគួរបរិភោគលើសពី ២០ ក្រាមឡើយ។ ទោះយ៉ាងណាក៏ដោយ វាមិនចាំបាច់បែងចែកវិធីដូចគ្នាជារៀងរាល់ថ្ងៃទេ។ មានថ្ងៃដែលត្រូវញុំាឱ្យបានច្រើន មានថ្ងៃខ្លះត្រូវញុំាតិច តែត្រូវប្រាកដថាត្រូវកែសម្រួលបរិមាណស្ករចូលក្នុងខ្លួនក្នុងកម្រិតសមស្របកុំបរិភោគច្រើនពេក៕
ប្រភព ៖ Phunutoday / ប្រែសម្រួល ៖ Knongsrok
ព័ត៌មានថ្មីៗ
