ទឹកក្រូចច្របាច់ស្រស់ មានបង្កប់នូវអត្ថប្រយោជន៍សុខភាពដ៏អស្ចារ្យជួយទាំងសម្រស់ និងសុខភាព

• 2022-10-13

ទឹកក្រូចច្របាច់ជាភេសជ្ជៈម្យ៉ាងដែលផ្តល់ភាពស្រស់ស្រាយ និងមានរសជាតិឆ្ងាញ់។ ក្រៅពីនេះវាត្រូវបានគេចាត់ទុកថាជាភេសជ្ជៈដ៏អស្ចារ្យមួយប្រភេទដែលអាចជួយបានទាំងសម្រស់ និងសុខភាព ដោយគ្រាន់តែទទួលទានវាជាប្រចាំឬ ៣ដងក្នុងមួយសប្តាហ៍ ហើយអត្ថប្រយោជន៍របស់ទឹកក្រូចច្របាច់ស្រស់គឺរួមមានដូចជា៖

១.ពង្រឹងប្រព័ន្ធភាពស៊ាំរបស់យើង

ទឹកក្រូចច្របាច់មួយកែវមានផ្ទុកនូវវីតាមីន C និងអាស៊ីត ascorbic ដោយអាស៊ីត ascorbic ទាំងនេះគឺជាសមាសធាតុនៃ collagen ដែលជួយក្នុងការស្តារកោសិកាឡើងវិញ និងជំរុញការលូតលាស់នៃជាលិការាងកាយ។ ដូច្នេះហើយ ទឹកក្រូចច្របាច់មានអត្ថប្រយោជន៍ជួយពង្រឹងប្រព័ន្ធភាពសុំា ជួយឱ្យយើងមានសុខភាពល្អ និងជៀសផុតពីជំងឺផ្សេងៗថែមទៀតផង។

២.ទឹកក្រូចច្របាច់បង្ការក្រួសក្នុងតម្រងនោម

គ្រួសក្នុងតម្រងនោម សំដៅទៅលើស្រទាប់រ៉ែតូចៗដែលប្រមូលផ្តុំនៅតំបន់ក្រលៀនរបស់មនុស្សម្នាក់ ហើយជាធម្មតានាំឱ្យមានរោគសញ្ញាដូចជា មានការឈឺចាប់ខ្លាំង ឈាមក្នុងទឹកនោម និងក្អួតចង្អោរជាដើម។ ដូច្នេះហើយ ទឹកក្រូចច្របាច់ជួយបង្កើន PH នៃទឹកនោម ដែលធ្វើឲ្យវាជួយការពារការវិវត្តនៃគ្រួសក្នុងតម្រងនោម។

៣.ទឹកក្រូចជួយក្នុងដំណើរការសម្រកទម្ងន់

ទឹកក្រូចគឺភេសជ្ជៈដ៏ល្អសម្រាប់អ្នកចង់សម្រកទម្ងន់ ព្រោះវាមានជាតិស្ករទាប និងជួយកាត់បន្ថយភាពឃ្លានបានយ៉ាងមានប្រសិទ្ធភាព។

៤.ជួយសម្អាតស្បែក និងកាត់បន្ថយស្នាមជ្រួញ

ប្រសិនបើអ្នកចាប់អារម្មណ៍លើការថែរក្សាស្បែករបស់អ្នក នោះទឹកក្រូចច្របាច់អាចជួយបាន ព្រោះវាមានវីតាមីន C និង E ដែលជួយក្នុងការបង្កើតឡើងវិញនូវកោសិកាស្បែក។ ដូច្នេះហើយ វាជួយកាត់បន្ថយស្លាកស្នាមដែលបង្កឡើងដោយស្នាមអុជខ្មៅ និងស្នាមមុន។ ហើយវីតាមីន C និង E ក៏កាត់បន្ថយការរលាកដោយកម្តៅថ្ងៃ និងជួសជុលកោសិកាដែលខូចផងដែរ។ ដូច្នេះនៅពេលដែលអ្នកផឹកទឹកក្រូចញឹកញាប់ ស្បែករបស់អ្នកក៏នឹងអាចជាសះស្បើយលឿនជាងមុន និងមានប្រសិទ្ធភាពបំផុត។

៥.ប្រឆាំងនឹងភាពចាស់

ដោយសារវត្តមាននៃសារធាតុប្រឆាំងអុកស៊ីតកម្ម និងអាស៊ីតក្រូច ការផឹកទឹកក្រូចច្របាច់ជាប្រចាំនឹងធ្វើឱ្យស្នាមជ្រួញមើលមិនឃើញ ហើយនឹងបន្សាបជាតិពុលលើស្បែករបស់អ្នកពីភាពកខ្វក់ជាច្រើនដែលវាត្រូវបានទទួលរងជារៀងរាល់ថ្ងៃ។

៦.កាត់បន្ថយកម្រិតកូឡេស្តេរ៉ុលរបស់អ្នក

នៅពេលអ្នកផឹកទឹកក្រូចច្របាច់ អ្នកនឹងកាត់បន្ថយកម្រិតកូឡេស្តេរ៉ុលក្នុងខ្លួន ព្រោះវាដើរតួនាទីយ៉ាងវែងក្នុងការរក្សាភាពរឹងមាំ និងដំណើរការត្រឹមត្រូវនៃប្រព័ន្ធសរសៃឈាមបេះដូងរបស់អ្នក។

នេះគ្រាន់តែជាអត្ថប្រយោជន៍ទាំង ៦ ក្នុងចំណោមអត្ថប្រយោជន៍ជាច្រើននៃការផឹកទឹកក្រូចច្របាច់ប៉ុណ្ណោះ ប៉ុន្តែត្រូវចាំថាអ្នកគួរតែទទួលទានទឹកផ្លែឈើស្រស់ដែលធម្មជាតិ 100% ព្រោះវាខុសពីការទិញទឹកក្រូចដបតាមហាង។ ដោយជាធម្មតា វានឹងមានជាតិស្ករបន្ថែមមួយចំនួន ដែលរាងកាយរបស់អ្នកមិនត្រូវការ៕

ប្រភព ៖ បរទេស