ក្នុងគ្រួសារមានទម្លាប់ ៣ គ្មានថ្ងៃរីកចម្រើន មានបាននោះឡើយ
ដើម្បីផ្លាស់ប្ដូរជីវភាពក្នុងគ្រួសារ និងការរស់នៅឱ្យកាន់តែប្រសើរ នាំទ្រព្យ នាំលាភសំណាងត្រឡប់មកវិញបាន គ្រួសារនីមួយៗ គួរតែកែប្រែនូវទម្លាប់ទាំង ៣ ខាងក្រោមនេះឱ្យបានសិន បើមិនអ៊ីចឹងទេ គ្រួសារអ្នកគ្មានថ្ងៃបានរីកចម្រើន លូតលាស់នោះឡើយ។
១. ទម្លាប់ចំណាយខ្ជះខ្ជាយ
ជីវិតសម្ភារៈរបស់មនុស្សមានភាពប្រសើរឡើង អ្នករាល់គ្នាចង់មានជីវិតពេញលេញ និងសម្បូរសប្បាយជាមួយនឹងវត្ថុដែលទំនើបៗ និងពេញនិយម។ ទោះជាយ៉ាងណា គ្រួសារខ្លះចាប់ផ្ដើមចាយលុយយ៉ាងខ្ជះខ្ជាយ នៅពេលមានទ្រព្យសម្បត្តិបន្តិចបន្តួច។ លុយច្រើនត្រូវចំណាយទៅលើភាពរីករាយ ចាប់ពីការទិញសម្លៀកបំពាក់ គ្រឿងអលង្ការ របស់ប្រណិតៗ រហូតដល់ការញុំាអាហារថ្លៃៗ ការប្រើប្រាស់សេវាកម្មលំដាប់ខ្ពស់ជាដើម។
ចាយលុយស្រួល រកលុយក៏ពិបាក។ មនុស្សគ្រប់រូបត្រូវខិតខំប្រឹងប្រែង និងព្យាយាមដើម្បីធ្វើការរកលុយជារៀងរាល់ថ្ងៃ។ ទោះជាយ៉ាងណាក៏ដោយ ប្រសិនបើអ្នកគ្រាន់តែដឹងពីរបៀបចំណាយលុយ ដើម្បីរីករាយដោយមិនគិតផែនការរយៈពេលវែងនោះ ប្រាកដណាស់នៅថ្ងៃអនាគត ទ្រព្យសម្បត្តិដែលនៅសល់នឹងមិនមានច្រើនទេ។
ដូច្នេះ ទោះក្នុងកាលៈទេសៈណាក៏ដោយ ប្រសិនបើអ្នកចង់បានគ្រួសារល្អ និងអនាគតប្រកបដោយនិរន្តរភាព អ្នកនៅតែត្រូវបោះបង់ទម្លាប់នៃការចំណាយខ្ជះខ្ជាយ រៀនគ្រប់គ្រងហិរញ្ញវត្ថុរបស់អ្នក និងសន្សំសម្រាប់អនាគត។
២. មិនអានសៀវភៅ
បើអ្នកចង់អភិវឌ្ឍការវិភាគ អ្នកប្រាកដជាត្រូវប្រាកដថា អ្នកអានសៀវភៅច្រើន ស្រូបយកចំណេះដឹងថ្មីៗច្រើន។ វាអាចជាការគ្រប់គ្រងហិរញ្ញវត្ថុ ឬការអប់រំដោយខ្លួនឯងនៅក្នុងផ្នែកណាមួយនៃជីវិត។ ការសិក្សាមួយបានបង្ហាញថា មនុស្សប្រហែល 92% មានទ្រព្យសម្បត្តិតិចតួចដោយសារតែពួកគេមិនបានអានសៀវភៅដើម្បីអភិវឌ្ឍ។
មហាសេដ្ឋីនៅជុំវិញពិភពលោកមានទម្លាប់អានសៀវភៅដើម្បីរៀន និងអភិវឌ្ឍបន្ថែមទៀត។ ការអានក៏ជាចំណង់ចំណូលចិត្តដែរ ធ្វើឱ្យអ្នកមានភាពសប្បាយរីករាយ។ អ្នកអាចធ្វើពិពិធកម្មជម្រើសសៀវភៅរបស់អ្នក ដើម្បីទទួលបានព័ត៌មានច្រើនតាមតែអាចធ្វើទៅបាន។
៣. ពន្យារពេលវេលា
ការប្រើពេលវេលាឱ្យបានត្រឹមត្រូវ ក៏ជាវិធីមួយក្នុងការបង្កើតលក្ខខណ្ឌឱ្យប្រាក់កើនឡើងផងដែរ។ ជាការពិតណាស់ អ្នកមិនអាចធ្វើការគ្រប់ពេល 24/7 ហើយរំពឹងថាខ្លួនឯងនឹងមិនឆេះចេញនោះទេ។ ទោះជាយ៉ាងណាក៏ដោយ ប្រសិនបើអ្នកមានគម្រោងជាក់លាក់ អ្នកអាចធ្វើអ្វីដែលមានប្រយោជន៍ជាងនេះ ជំនួសឱ្យការខ្ជះខ្ជាយពេលវេលា។
ពេលទំនេរ គ្រាន់តែដេកលើសាឡុង លេងទូរសព្ទ មើលទូរទស្សន៍ ឬទៅញុំាអីជាមួយមិត្តភ័ក្តិ គឺជាការខ្ជះខ្ជាយមួយទៅហើយ។ ពេលនេះអាចប្រើបានទាំងស្រុងក្នុងការវិនិយោគលើខ្លួនឯង រៀនអ្វីថ្មី ឬស្វែងរកវិធីបង្កើនប្រាក់ចំណូល។
ក្នុងសម័យនេះ ឱ្យតែមនុស្សខិតខំស្វែងរកវិស័យដែលខ្លួនស្រឡាញ់ ពង្រឹងជំនាញ ប្រឹងប្រែងឥតឈប់ឈរ ពួកគេអាចប្រែក្លាយថាមពល និងពេលវេលារបស់ពួកគេទៅជាលុយ៕
ប្រភព ៖ Phunutoday / Knongsrok
ព័ត៌មានថ្មីៗ
