លើករាសី និងទទួលបានលាភសំណាងក្នុងជីវិត ដោយការប្រគេនរណ្តាប់ជូនព្រះសង្ឃទៅតាមថ្ងៃកំណើតនីយមួយៗ
ការប្រគេនដង្វាយផ្សេងៗដល់ព្រះសង្ឃ តែងតែត្រូវបានគេចាត់ទុកថាជាការធ្វើបុណ្យមួយបែបទៀតប្រសិនបើយើងមានឱកាសទៅធ្វើបុណ្យនៅវត្ត។ ដោយការបូជាព្រះសង្ឃ ត្រូវបានគេជឿថានឹងជួយលើកតម្កើងរាសី មានលាភសំណាងក្នុងជីវិត បន្ថែមពីនេះទៀតគេក៏មានជំនឿដែរថា បើអ្នកជ្រើសរើសយករណ្តាប់ប្រគេនព្រះសង្ឃ ទៅតាមថ្ងៃកំណើត វានឹងជួយលើកកម្ពស់ជីវិតក្នុងវិស័យផ្សេងៗ ដើម្បីឱ្ជីវិតយកាន់តែប្រសើរឡើងថែមទៀត។
តោះ មកដឹងទាំងអស់គ្នាថា មនុស្សកើតថ្ងៃណា គួរតែត្រៀមរបស់ប្រគេនព្រះសង្ឃបែបណាទើបមានសំណាងល្អ ៖
# ថ្ងៃអាទិត្យ ៖ របស់ដែលប្រគេនព្រះសង្ឃ គួរតែជាវត្ថុដែលទាក់ទងនឹងភ្លើងដូចជា ធូប ទៀន អំពូលភ្លើង ឬប្រេងសម្រាប់ដាក់ចង្កៀង ព្រោះគេជឿថាវានឹងជួយឱ្យអ្នកធ្វើការងារអ្វីសុទ្ធតែរលូនល្អ និងអាចជំនះឧបសគ្គនានាបានថែមទៀតផង។
# ថ្ងៃច័ន្ទ ៖ របស់ដែលប្រគេនព្រះសង្ឃ គួរតែជារបស់ដែលទាក់ទងនឹងភេសជ្ជៈដូចជា កំសៀវ ដបទឹក និងភេសជ្ជៈជាច្រើនប្រភេទ ព្រោះគេជឿថានឹងធ្វើឱ្យអ្នកជួបមនុស្សល្អៗ អាចជួយជាជំនួយ និងការឧបត្ថម្ភផ្សេងៗផងដែរ។
# ថ្ងៃអង្គារ៖ របស់ដែលប្រគេនព្រះសង្ឃ គួរតែជាប្រភេទ ប្រគេនក្រណាត់ទេសឯក ឬស្បង់ចីវរ ព្រោះគេជឿថានឹងជួយឱ្យស្នេហាមានភាពរលូន ហើយចំពោះបញ្ហាហិរញ្ញវត្ថុនឹងគ្មានបញ្ហាអ្វីឡើយ។
# ថ្ងៃពុធ ៖ អ្នកដែលកើតថ្ងៃពុធ ពេលថ្ងៃ និងងរសៀល របស់ដែលប្រគេនព្រះសង្ឃ គួរតែជាស្បែកជើងមួយគូ និងឆ័ត្រ ព្រោះគេជឿថាអាចជួយកំចាត់សត្រូវបាន និងអាចរារាំងឧបសគ្គចេញពីផ្លូវរបស់អ្នក។
ចំណែកអ្នកដែលកើតនៅចំយប់ថ្ងៃពុធ របស់ដែលប្រគេនព្រះសង្ឃ គួរតែផ្តល់ថ្នាំសម្រាប់ព្យាបាលដែលមានប្រយោជន៍នានា ព្រោះគេជឿថា អាចជួយឱ្យអ្នកមានស្មារតី និងការទទួលខុសត្រូវ។
# ថ្ងៃព្រហស្បតិ៍ ៖ របស់ដែលប្រគេនព្រះសង្ឃ គួរតែជាសៀវភៅ ដូចជាសៀវភៅអធិដ្ឋាន សៀវភៅព្រះធម៌ ដែលជឿថាជួយពង្រឹងស្ថេរភាពនៅក្នុងជីវិត និងមានជោគជ័យនៅក្នុងការងារ។
# ថ្ងៃសុក្រ ៖ របស់ដែលប្រគេនព្រះសង្ឃ គួរតែជាគ្រឿងប្រើប្រាស់ប្រចាំថ្ងៃដូចជា សាប៊ូ ច្រាស់ដុសធ្មេញ និងថ្នាំដុសធ្មេញ ដោយត្រូវបានគេជឿថា ធ្វើឱ្យយចិត្តស្ងប់ ហើយរួចពីទុក្ខទោសបាន។
# ថ្ងៃសៅរ៍ ៖ របស់ដែលប្រគេនព្រះសង្ឃ គួរតែជា ឡាម កន្ត្រៃកាត់ក្រចក រួមទាំងថ្នាំផ្សេងៗ ព្រោះគេជឿថាកាត់បន្ថយការឈឺចាប់នានាបាន។
ទោះយ៉ាងណាក៏ដោយ សូមបញ្ជាក់ថា ទាំងនេះគ្រាន់តែជាជំនឿផ្ទាល់ខ្លួន ដូច្នេះសូមប្រើការប្រុងប្រយ័ត្ន ហើយសំខាន់បំផុតនៃការធ្វើបុណ្យ គឺធ្វើបុណ្យដោយជ្រះថ្លា និងមិនត្រូវធ្វើឱ្យអ្នកដទៃរងទុក្ខនោះទេ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
