លឺថា Ronaldo ចង់ឲ្យអតីតគ្រូធំ Barcelona ម្នាក់ មកដឹកនាំ Man Utd បន្តពី Ole
ដ្បិតបើមានបេក្ខភាពឈរឈ្មោះជាច្រើន ដែលអាចនឹងមកដឹកនាំបន្តពី Ole Gunnar Solskjaer នៅក្លឹប Man Utd ដោយរួមមាន Bredan Rodgers, Erik ten Hag, Mauricio Pochettino, Zinedine Zidane និង Julen Lopetegui តែតាមដំណឹងចុងក្រោយ លឺថា Cristiano Ronaldo គឺបានមើលឃើញអតីតអ្នកចាត់ការនៃក្លឹប Barcelona ឯណោះ។
ដើមឡើយ CR7 ចង់បាន Zidane ឲ្យមកដឹកនាំ Man Utd ទេ ហើយក៏បានជូនដំណឹងទៅថ្នាក់លើពីបំណងរបស់ខ្លួនហើយដែរ តែយ៉ាងណាដោយសារលឺថាបុរសសញ្ជាតិបារាំងមិនទាន់ត្រៀមលក្ខណៈរួចរាល់ ដូច្នោះក៏បង្វែរមកមើលគ្រូជម្រើសជាតិអេស្ប៉ាញ លោក Luis Enrique វិញ។ នេះបើតាមសារព័ត៌មាន Sky Sports News បានចុះផ្សាយ។
បុរសសញ្ជាតិព័រទុយហ្គាល់ មានទំនុកចិត្តលើបុរសវ័យ ៥១ ឆ្នាំ ដ្បិតធ្លាប់ជាអតីតគ្រូនៅក្លឹបគូប្រជែង តែជឿថា គុណភាពរបស់ Enrique ពិតជាជាសក្តិសម និងអាចមកបង្កើតជោគជ័យនៅក្លឹប Man Utd បន្តពីលោក Ole បាន។ យើងមិនទាន់ច្បាស់ថា Enrique នឹងសម្រេចចិត្តបែបណាទេ ស្របពេលដែលសុពលភាពកុងត្រានៅក្រុមគោជល់ត្រូវផុតនៅថ្ងៃទី ៣១ ធ្នូ ឆ្នាំ ២០២២។
គួររំឭកដែរថា Enrique ធ្លាប់ជាអតីតគ្រូនៅ Barcelona B និងឈុតធំ ហើយធ្លាប់ជួយអ្នកមានបុណ្យលើកពាន La Liga ២ លើក Copa del Rey ៣ លើក និង Champions League ១ លើក៕ ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
