(វីដេអូ) មាឌតូចតែពូកែត្បុរ! Kante អូសបាល់ស៊ុតក្រៅប្រអប់បញ្ចូលទី ដល់ថ្នាក់គ្រូធំចំហមាត់
N'Golo Kante បានចូលរួមចំណែកយ៉ាងសកម្ម នៅការប្រកួតយកឈ្នះទៅលើ Leicester City កាលពីយប់មិញ ដោយបានបង្កើតគ្រាប់បាល់មួយក្នុងចំណោមបីគ្រាប់ដែល Chelsea បានយកឈ្នះ នៅទឹកដី King Power នៅជុំទី ១២ នៃក្របខ័ណ្ឌ Premier League។
កីឡាករសញ្ជាតិបារាំង បានរកគ្រាប់បាល់ទីពីរឲ្យ Chelsea តាមរយៈការអូសបាល់ពីក្បែរពាក់កណ្តាលតារាង ហើយឆ្លងកាត់ខ្សែការពារជាបន្តបន្ទាប់ រួចយាជើងស៊ុតពីក្រៅប្រអប់ តម្រង់ទៅជ្រុងនៃប្រអប់ទីយ៉ាងស្អាត។ មួយគ្រាប់នេះសូម្បីតែលោក Thomas Tuchel ក៏ចំហមាត់ភ្ញាក់ផ្អើលដែរ ព្រោះមិនងាយឃើញ Kante ស៊ុតពីចម្ងាយបែបហ្នឹងទេ ហើយមួយជើងនេះគឺល្អបំផុត។
ទស្សនាវីដេអូខាងក្រោម៖
គួរបញ្ជាក់ថា ខ្សែបម្រើឆ្នើមវ័យ ៣០ ឆ្នាំ ដែលជាប់កុងត្រាជាមួយតោខៀវដល់ចុងខែមិថុនា ឆ្នាំ ២០២៣។ នៅរដូវកាលថ្មី គេបង្ហាញខ្លួន ១១ ប្រកួត រកបាន ២ គ្រាប់ហើយឲ្យក្លឹប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
