Campbell ប្រាប់ឲ្យគ្រូធំ Arsenal កុំដាក់ម្នាក់នេះលេងជម្រើសដំបូង ពេលប៉ះ Liverpool
នៅវេលាម៉ោង ០០:៣០ នាទីរំលងអាធ្រាត្រ ឈានចូលថ្ងៃទី ២១ វិច្ឆិកាស្អែកនេះ ក្រុមហង្សក្រហម Liverpool នឹងត្រូវបើកកីឡដ្ឋានស្វាគមន៍ក្រុមភ្ញៀវកាំភ្លើងធំ Arsenal នាជំនួបជុំទី ១២ ក្របខ័ណ្ឌ Premier League។
យ៉ាងណាមុនឈានដល់ការប្រកួត តាមការយល់ឃើញរបស់អតីតជើងចាស់លោក Kevin Campbell បានជឿជាក់ថា លោក Mikel Arteta មិនគួរប្រើប្រាស់ខ្សែបម្រើសំខាន់ដែលទើបងើបពីការព្យាបាលរបួស ឲ្យលេងជម្រើសដំបូងនោះទេ ព្រោះដូចជាប្រថុយពេក ហើយគួរឲ្យអង្គុយបម្រុងចាំមើលស្ថានភាពសិន។
នោះគឺលោកសំដៅទៅកីឡាករស៊ីថ្លៃ ២០០ ០០០ ផោន/សប្តាហ៍ ខ្សែបម្រើ Thomas Partey។ លោក Campbell ថា៖ "កុំដាក់ Partey ឲ្យចូលលេង ឬអ្នកអាចទុកគេឲ្យអង្គុយបម្រុងចាំលេងតង់ទី ២ ដោយខ្ញុំគិតថាមិនគួរប្រថុយនឹងដាក់គេលេងទេ ខ្ញុំដឹងនេះប្រកួតដ៏ធំមួយនេះ តែក៏នៅមានប្រកួតច្រើនទៀតនៅពេលខាងមុខ ដូច្នេះយើងមិនគួរប្រថុយដោយដាក់គេឲ្យលេងតាំងពីដើមតង់ឡើយ"។
គួររំឭកដែរថា កីឡាករហ្គាណា នៅរដូវកាល ២០២១/២២ ពួកគេបង្ហាញខ្លួន ៨ ប្រកួត រកបាន ១ គ្រាប់ឈរជើងសុទ្ធលើទីលាន ប្រហែល ៦០៤ នាទី។ បច្ចុប្បន្នគេសេសសល់សុពលភាពកុងត្រាដល់ចុងខែមិថុនា ឆ្នាំ ២០២៥ និងមានហាងឆេងថ្លៃខ្លួនល្បាក់ ៤០ លានអឺរ៉ូ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
