គ្រូធំក្លឹបក្បែរបាតតារាងមួយ និយាយចំៗថាចង់សុំ Ronaldo ឲ្យមកលេងនៅក្លឹបរបស់ខ្លួន
តារាឆ្នើម Cristiano Ronaldo កំពុងក្លាយជាកីឡាករដែលមានគេចាប់អារម្មណ៍ច្រើននៅ Premier League សព្វថ្ងៃ ហើយទាំងការធ្លាក់ចុះ និងការកើនឡើងនៃទម្រង់លេង សុទ្ធសឹងជាប្រធានបទដែលអ្នកគាំទ្រលើកមកជជែកឥតឈប់។
យ៉ាងណាកន្លងទៅនេះ មកមើលការយល់ឃើញរបស់គ្រូនៃក្លឹប Watford លោក Claudio Ranieri ឯណេះ ក៏បាននិយាយចំៗថា ក្រុមរបស់ខ្លួនត្រូវការកីឡាករដូចជា Cristiano Ronaldo ហើយបើយកគេបាន នោះលោកនឹងធានាពេលវេលាលេងទៀងទាត់គ្រប់ការប្រកួតសម្រាប់កីឡាករព័រទុយហ្គាល់។
លោក Claudio និយាយ៖ "បើអ្នកអត់ចង់បានគេ អ៊ីចឹងឲ្យ Cristiano មកខ្ញុំមក ខ្ញុំសុំ វាមិនមែនជាបញ្ហាអ្វីទេសម្រាប់ក្រុមរបស់ខ្ញុំ ប្រសិនគេព្រមមក ហើយខ្ញុំនឹងធានាផ្តល់ឲ្យគេគ្រប់នាទីនៃការលេងទាំងអស់លើទីលាន"។
លោកបន្ត៖ "Cristiano គឺជាកីឡាករដ៏ល្អបំផុតមួយក្នុងលោក គេល្អសក្តិសមជាគំរូដែលក្មេងៗជំនាន់ក្រោយ អនុវត្តតាម ហើយ Cristiano ក៏គេជាចំណាប់អារម្មណ៍ដ៏អស្ចារ្យក្នុងពិភពបាល់ទាត់ផងដែរ"។ បញ្ជាក់ថា Watford សព្វថ្ងៃកំពុងឈរលេខ ១៧ នៅតារាង Premier League ដែលកៀកនឹងតំបន់ត្រូវកាត់ឈ្មោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
