Conte ចង់គាស់ទាំងអ្នកចាំទីដៃថ្មី ដោយគ្រោងយកម្នាក់នេះ មកជំនួសតំណែង Lloris
អ្នកចាត់ការក្លឹប Tottenahm Hotspur លោក Antonio Conte ត្រូវបានគេរាយការណ៍ថា កំពុងចាប់អារម្មណ៍ ទាំងការចង់បានអ្នកចាំទីថ្មីផងដែរ ដើម្បីមកជំនួសតំណែងដៃបច្ចុប្បន្នគឺ Hugo Lloris។ ក៏ដោយសារសុពលភាពកុងត្រារបស់កីឡាករបារាំងត្រូវផុតនៅចុងខែមិថុនា ឆ្នាំ ២០២២ ហើយពុំមានតម្រុយវិជ្ជមានក្នុងការបន្តកុងត្រាថ្មីទៀតឡើយ រវាងភាគីក្លឹបនិងកីឡាករ។
បើតាមសារព័ត៌មាន The Telegraph ចុះផ្សាយថា គ្រូសញ្ជាតិអ៊ីតាលី កំពុងចាប់ចិត្តទៅលើអ្នកចាំទីរបស់អង់គ្លេស គឺ Jordan Pickford កំពុងលេងឲ្យក្លឹប Everton ហើយឥឡូវលឺថា ភាគី Spurs បានដាក់គ្នាឲ្យទៅចរចា ដើម្បីសិក្សាមើលពីលទ្ធភាពក្នុងការនាំយកគេនាពេលខាងមុខ។
គួរបញ្ជាក់ថា Pickford ដែលមានវ័យ ២៧ ឆ្នាំ គេបានផ្ទេរចេញពី Sunderland មកក្លឹប Everton នៅតម្លៃ ២៥ លានផោន កាលពីខែកក្កដា ឆ្នាំ ២០១៧ ហើយបង្ហាញខ្លួនសរុប ១៧២ ប្រកួតឲ្យក្រុមស្ករគ្រាប់ខៀវ។
ការសម្លឹងឃើញសារនេះ មើលទៅពិតជាគួរឲ្យចាប់អារម្មណ៍ ព្រោះ Pickford ជាអ្នកចាំទីមានសមត្ថភាពពិត ដែលសូម្បីនៅជម្រើសជាតិក៏គេធ្វើបានល្អ ដោយបានជួយឲ្យក្រុមឡើងដល់វគ្គ ៤ ក្រុមកាល World Cup 2018 និងវគ្គផ្ដាច់ព្រ័ត្រ Euro 2020 ផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
