អត់ទៅ Man Utd ទេ បើ Dani Olmo ជ្រើសយកផ្លូវបែក គេនឹងទៅក្លឹបមួយនេះច្រើនជាង
Dani Olmo ជាខ្សែបម្រើដែលកំពុងទទួលបានការចាប់អារម្មណ៍ខ្លាំង នៅរយៈពេលចុងក្រោយ មិនថាតែក្លឹបនៅអង់គ្លេស អ៊ីតាលី និងអេស្ប៉ាញជាដើម។ ទៅមើលគុណភាពរបស់គេ នៅក្លឹបបច្ចុប្បន្ន RB Leipzig គឺឃើញថានៅតែល្អ ហើយគួបផ្សំនឹងកត្តាអាយុក្មេងខ្ចីទើបតែ ២៣ ឆ្នាំផង ដូច្នេះការចង់បាន គឺប្រាកដជារមែងកើតមាន។
ទន្ទឹមនឹងចចាមអារ៉ាមនៃការដែលអាចចាកចេញនៅពេលខាងមុខ បើតាមសារព័ត៌មាន El Nacional ចុះផ្សាយថា Olmo នឹងមិនជ្រើសយកការផ្ទេរទៅក្លឹបនៅអង់គ្លេស រួមទាំង Man Utd នោះទេ ផ្ទុយទៅវិញ គេស៊ូត្រលប់ទៅក្លឹបចាស់នៅអេស្ប៉ាញ គឺ Barcelona។
អតីតយុវជនធ្លាប់លេងឲ្យក្លឹប Dinamo Zagreb គេក៏ធ្លាប់ជាយុវជនថ្នាលនៅក្លឹប Barcelona ផងដែរ នៅដំណាក់កាលនៃការចាប់ផ្តើមដំបូង។ គេនៅតែមានអារម្មណ៍ថា Barcelona ដូចជាគ្រួសារ ហើយគេតែងតែចង់វិលត្រលប់ទៅវិញជានិច្ច។
ដូច្នេះថាមិនត្រូវនៅខែមករាខាងមុខ Barcelona អាចនឹងទទួលបានកាដូថ្មី ជាការផ្ទេរកីឡាករសញ្ជាតិអេស្ប៉ាញខាងលើក៏ថាបាន។ គួរបញ្ជាក់ថា ចាប់តាំងការផ្ទេរមកក្លឹប RB Leipzig គេបង្ហាញខ្លួនសរុប ៦៧ ប្រកួត រកបាន ១២ គ្រាប់និង Assist ១៤ លើកហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
