ក្តីសង្ឃឹមចុងក្រោយ! នេះ ១២ ក្រុមត្រូវជម្រុះយកតែ ៣ ក្រុមគត់ ឡើងទៅប្រកួតផ្លូវការ World Cup
ការប្រកួតវគ្គជម្រុះបឋមប្រចាំតំបន់អឺរ៉ុប FIFA World Cup 2022 យើងបានរកឃើញក្រុមទាំង ដែលឈ្នះប្រចាំពូលនីមួយៗ កក់កៅអីស្វ័យប្រវត្តិឡើងទៅកាន់វគ្គបន្តហើយ ដូច្នេះមានន័យថា ក្នុងចំណោម ១៣ កៅអីដែល FIFA ផ្តល់ឲ្យក្រុមនៅអឺរ៉ុប គឺមាន ១០ កៅអីហើយដែលរកឃើញម្ចាស់។
នៅឡើយ ៣ កៅអីផ្សេងទៀត នឹងចម្រាញ់យកចេញពីក្រុមទាំង ១២ ដែលធ្លាក់ទៅលេងនៅវគ្គ Play-off។ ក្នុងនោះមាន ១២ ក្រុម ដូចជាព័រទុយហ្គាល់, ស៊ុយអែត, អ៊ីតាលី, អ៊ុយក្រែន, វែល, ស្កុតឡែន, ទួរគី, រុស្សី, ប៉ូឡូញ, ម៉ាសេដូនី, អូទ្រីស និងសាធារណរដ្ឋឆេក។
ក្រុមទាំង ១២ នឹងត្រូវចាប់ឆ្នោតដើម្បីយកក្រុម ៤ ត្រូវប៉ះគ្នា ប្រចាំ Pot នីមួយៗ មាន Pot 3 ហើយពួកគេត្រូវទទួលជ័យជម្នះទាំងពីរប្រកួត ឬមានន័យថា ក្រុមល្អបំផុតប្រចាំ Pot នឹងអាចឡើងទៅកាន់វគ្គបន្ត។ ការចាប់ឆ្នោតធ្វើឡើងនៅថ្ងៃទី ២៦ វិច្ឆិកាខាងមុខ ហើយការប្រកួតធ្វើឡើងនៅខែមិនា ឆ្នាំ ២០២២៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
