Reguilon ចុចឈ្មោះកីឡាករ ២ រូប ដែលពិបាកតតាំងបំផុតនៅលីគកំពូលអង់គ្លេស
កីឡាករអេស្ប៉ាញ Sergio Reguilon បានផ្ទេរចេញពីក្លឹប Real Madrid មកចូលរួមនៅក្លឹប Tottenham Hotspur នាកំឡុងខែកញ្ញា ឆ្នាំ ២០២០ ហើយគិតមកទល់ជាងមួយឆ្នាំមកនេះ គេបង្ហាញខ្លួនសរុប ៤៩ ប្រកួត រកបាន ០ គ្រាប់និង Assist ៨ លើក។
សួរនាំពីកីឡាករដែលពិបាកតតាំងបំផុតនៅលីគកំពូលអង់គ្លេស សម្រាប់ Reguilon បានចុចឈ្មោះកីឡាករទាំង ២ រូបព្រមគ្នានៃក្លឹប Manchester City នោះគឺ Kyle Walker និង Riyad Mahrez។
បុរសវ័យ ២៤ ឆ្នាំនិយាយថា៖ "នោះគឺការលេងតទល់ City ហើយមិនមែនកីឡាករតែមួយរូបទេ គឺដល់ទៅ ២ មាន Walker និង Mahrez ប៉ះពួកគេពិបាកតទល់ខ្លាំងណាស់"។
គួរបញ្ជាក់ថា ខ្សែការពារស្លាបឆ្វេងរបស់ Spurs ជាប់កុងត្រាដល់ចុងខែមិថុនា ឆ្នាំ ២០២៥។ ក្រឡេកទៅមើលក្លឹប Tottenham Hotspur ឯណោះវិញ ក្នុងតារាង PL ពួកគេកំពុងឈរលេខ ៩ មាន ១៦ ពិន្ទុ។ ប្រកួតបន្ទាប់ Spurs នឹងត្រូវតតាំង Leeds United មុនទៅប៉ះ Mura នៅពានរង្វាន់ Europa Conference League៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
