បើ Barcelona មានលុយធំពេលណា Xavi សុំឲ្យចាយត្រូវគោលដៅ ដោយទៅយកម្នាក់នេះ
អ្នកចាត់ការថ្មីលោក Xavi Hernandez ត្រូវបានគេរាយការណ៍ថា កំពុងស្នើទៅថ្នាក់លើក្លឹបរួចជាស្រេចហើយ ថាប្រសិនណាស្ថានភាពហិរញ្ញវត្ថុ ងើបមកវិញ និងក្លឹបមានលុយធំអាចចំណាយពេលខាងមុខ នោះលោកចង់ឲ្យសម្លឹងមើលកីឡាករនៅលីគកំពូល Premier League។
នោះគឺស្លាបប្រយុទ្ធនៅក្លឹបហង្សក្រហម Liverpool កីឡាករ Mohamed Salah ដែលគេសេសសល់សុពលភាពកុងត្រាដល់ចុងខែមិថុនា ឆ្នាំ ២០២៣ ហើយតាមលឺអាចមានតម្លៃខ្លួន ១០០ លានអឺរ៉ូ បើទោះបីមិនទាន់ចុះហត្ថលេខាលើកុងត្រាថ្មី។
Salah ជាចំណែកសំខាន់របស់លោក Jurgen Klopp នៅរយៈពេលចុងក្រោយ និងកំពុងលេចធ្លោខ្លាំងក្នុងនាមជាខ្សែប្រយុទ្ធពោរពេញដោយទេពកោសល្យ។ ១៥ ប្រកួតសរុប នៅរដូវកាលថ្មី បុរសសញ្ជាតិអេហ្សីបរកបាន ១៥ គ្រាប់និង Assist ៦ លើកឯណោះ។
បើតាមសារព័ត៌មាន El Nacional ចុះផ្សាយថា Xavi មិនចង់ឃើញ Barcelona ចាយលុយខុសនោះទេ ដោយចង់ឲ្យក្លឹបចាត់ចែង យកសារនេះឲ្យត្រូវ ហើយជឿថា Salah ជាគោលដៅដ៏ត្រឹមត្រូវ និងអាចមកជំនួសតំណែងរបស់ Lionel Messi ពិតៗ។ តាមដឹង ខ្ទង់ចំណាយ Barca អាចត្រៀមគ្រប់គ្រាន់លើការយក Salah ទំនងជាចូលដល់រដូវក្តៅ ឆ្នាំក្រោយ ២០២២ ឬដើមរដូវរងាឆ្នាំ ២០២៣៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
