Chelsea ហៅកូនក្រុម R.Madrid ម្នាក់មកអង់គ្លេស ដោយត្រៀមទាំងថែមថ្លៃពលកម្មឲ្យ
ក្លឹបតោខៀវ Chelsea ត្រូវបានគេរាយការណ៍ថា កំពុងចាប់អារម្មណ៍លើកីឡាករដ៏សំខាន់មួយនៅ Real Madrid ដែលសេសសល់សុពលភាពកុងត្រា ដល់ចុងខែមិថុនា ឆ្នាំ ២០២៥។ នោះគឺកីឡាករប្រេស៊ីល Eder Militao។
Militao រាប់បានជាចំណែកសំខាន់ ក្រោមការដឹកនាំរបស់លោក Carlo Ancelotti ដោយបង្ហាញខ្លួន ១៦ ប្រកួត ឈរជើងសុទ្ធ ១ ៤៣៧ នាទី។ តាមរបាយការណ៍ពី El Nacional ចុះផ្សាយថា ក្រុមតោខៀវ ត្រៀមយក Militao ក៏ដោយសារទុកជំនួសជើង Andreas Christensen និង Antonio Rudiger ដែល អាចនឹងចាកចេញនៅពេលខាងមុខ ក្រោយផុតកុងត្រា រីឯ Thiago Silva វ័យក៏កាន់តែចំណាស់ថែមទៀត។
ក្លឹបតោខៀវ Chelsea ចង់ដាក់តម្លៃខ្លួន Militao ៣៤ លានផោន តែមិនទាន់ដឹងក្លឹប R.Madrid ព្រមឬអត់នោះឡើយ។ ប៉ុន្តែការមកដល់របស់កីឡាករវ័យ ២៣ ឆ្នាំ ខាងក្លឹបអង់គ្លេសនឹងធានាបន្ថែមថ្លៃពលកម្ម ឲ្យខ្ពស់ជាងក្លឹបម្ចាស់ដី Bernabeu ផ្តល់ឲ្យ។
គួរបញ្ជាក់ថា Militao បានផ្ទេរចេញពីក្លឹប FC Porto មកចូលរួមនៅក្លឹប R.Madrid នារដូវក្តៅ ឆ្នាំ ២០១៩ ជាមួយតម្លៃផ្ទេរ ៤២ លានផោន។ សរុបស្ថិតិបង្ហាញខ្លួន ៥៧ ប្រកួត គេរកបាន ២ គ្រាប់និង Assist ១ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
