ឃើញមិនសូវបានលេង Xavi ប្រាប់ឲ្យ Barca ចូលទៅសាកចរចាកូនហង្ស Liverpool មួយរូប
អ្នកចាត់ការលោក Xavi Hernandez ត្រូវបានគេរាយការណ៍ថា មានការចាប់អារម្មណ៍ទៅលើគុណភាពរបស់ខ្សែបម្រើនៅក្លឹបហង្សក្រហម Liverpool បន្ទាប់ពីឃើញ អ្នកចាត់ការលោក Jurgen Klopp មិនសូវប្រើប្រាស់ នៅរដូវកាល ២០២១/២២។
នោះគឺកីឡាករអេស្ប៉ាញ Thiago Alcantara ដែលរដូវកាល ២០២១/២២ គេទើបតែបង្ហាញខ្លួន ៧ ប្រកួត Assist ១ លើក ដោយចំនួននាទីឈរជើងសុទ្ធ មិនដល់ ៣០០ នាទីផង។ គួបផ្សំនឹងបញ្ហារបួសញាំញីផង កាន់តែនាំឲ្យអនាគតរបស់ Thiago មានមន្ទិលសង្ស័យកើតឡើងនៅរយៈពេលចុងក្រោយ។
បើតាមសារព័ត៌មាន Sport ចុះផ្សាយថា អ្នកចាត់ការថ្មី Xavi បានណែនាំទៅថ្នាក់លើ Barcelona ឲ្យចាត់ចែងការនាំយក Thiago មកកាន់ទឹកដី Camp Nou នៅទីផ្សារដោះដូរខែមករាខាងមុខ។ គេអាចនឹងក្លាយជាចំណូលថ្មីទីពីរ បន្ទាប់ពីការទើបតែយកបានខ្សែការពារ Dani Alves ត្រលប់មកក្លឹបជាថ្មី។
គួរបញ្ជាក់ថា Thiago ក៏ធ្លាប់ជាអតីតកីឡាករនៅអ្នកមានបុណ្យផងដែរ ដោយលេងតាំងពីនៅឈុតថ្នាល ឡើងមកដល់ឈុតធំ រហូតដល់ឆ្នាំ ២០១៣ ទើបផ្ទេរទៅ Bayern Munich។ គេសព្វថ្ងៃជាប់កុងត្រានៅ Anfield ដល់ចុងខែមិថុនា ឆ្នាំ ២០២៤ ហើយអាចមានតម្លៃផ្ទេរល្បាក់ ២៥ លានអឺរ៉ូ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
