(វីដេអូ) អត់ចង់ជឿ! Mbappe ប្រើក្បាច់នាគវាត់កន្ទុយ អត់សម្លឹងមើលបាល់ ស៊ុតចូលទីស្រួលៗ
ក្រុមមាន់គកបារាំង នឹងត្រូវស្វាគមន៍ក្រុមកាហ្សាក់ស្ថានសម្រាប់ការប្រកួតជុំទី ៩ វគ្គជម្រុះបឋមក្នុងពូល FIFA World Cup 2022 នៅយប់នេះ ហើយយើងក៏បានឃើញពីសមាសភាពកីឡាករមួយចំនួន ដែលអាចនឹងចូលរួមផងដែរ។
តំបន់ប្រយុទ្ធខាងលើ គេជឿថា Karim Benzema និង Kylian Mbappe គឺនឹងបន្តមានវត្តមានដដែល ព្រោះនេះជាប្រកួតសំខាន់ ដោយប្រសិនណាក្រុមលោក Didier Deschamps ទទួលបានជ័យជម្នះ ៣ ពិន្ទុពេញ នោះពួកគេនឹងអាចធានាពីការឡើងទៅកាន់ការប្រកួតផ្លូវការបានហើយ។
បង្វែរមកមើលការហ្វឹកហាត់ ជាការជួបជុំនៃកីឡាករបារាំងឯណេះវិញ យើងបានចាប់អារម្មណ៍ទៅលើសមត្ថភាពកីឡាករវ័យក្មេងនៃក្លឹប PSG នោះគឺ Mbappe ដែលគេបានបញ្ចប់ទីក្បាច់នាគវាត់កន្ទុយយ៉ាងស្អាត។
ជាទេពកោសល្យមិនគួរឲ្យជឿ ក្រោយពេលមានការលើកបាល់ចេញពីផ្នែកស្លាបខាងស្តាំ ចូលមកក្នុងប្រអប់ ហើយកីឡាករវ័យ ២២ ឆ្នាំ បានបោះជំហានយឺតៗ បង្វិលខ្លួនស៊ុតបាល់ ផុតដៃអ្នកចាំទី ដោយមិនចាំបាច់សម្លឹងមើលបាល់ ឬមើលទីនោះទេ (គេនិយមហៅថា No Look)៕
ទស្សនាវីដេអូខាងក្រោម៖
https://youtu.be/LorbUZoz4z8
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
