ស្តាប់ហើយគួរឲ្យគោរព! Ronaldo ប្រាប់មូលហេតុដែល Maradona ពាក់នាឡិកានៅដៃទាំងពីរ
អតីតវីរបុរសប្រេស៊ីល Ronaldo Nazario បានពន្យល់ពីមូលហេតុដែល អតីតកីឡាករជើងចាស់លោក Diego Maradona មានទម្លាប់ទៅណាមកណា ឃើញពាក់នាឡិកានៅដៃទាំងសងខាង។
ជាការពិតដ្បិតបើអ្នកទាំងពីរ ជាកីឡាករសញ្ជាតិពីរផ្សេងគ្នា ដែលរាប់បានជាគូប្រជែងលើទីលាន តែ Ronaldo រមែងមានការគោរព ឲ្យតម្លៃខ្ពស់សម្រាប់ Maradona ជានិច្ច ទើបនាំឲ្យទំនាក់ទំនងពួកគេ ក៏បានក្លាយជាមិត្តជិតស្និទ្ធនឹងគ្នារៀងមក។
ពន្យល់កាលពីពេលកន្លងទៅ មូលហេតុដែល Maradona ពាក់នាឡិកានៅដៃទាំងសងខាង Ronaldo ថា នោះក៏ដោយសារតែ នាឡិកាទាំងពីរ ជារបស់កូនស្រីបង្កើតជូនមកលោក ដូច្នេះលោកមិនចង់ទុកទេ ពោលគឺពាក់ទាំងពីរជាប់ដៃតែម្តង។
តែយ៉ាងណា ដោយសារទំនាក់ទំនងជិតស្និទ្ធនឹងគ្នា Maradona ក៏បានប្រគល់នាឡិកានៅដៃម្ខាងមកឲ្យ Ronaldo ទុកជាអំណោយ ដោយដ្បិត Ronaldo ប្រកែកមិនចង់យក ក៏មិនបានដែរ ព្រោះវីរបុរសអាហ្សង់ទីនថា បើមិនយក នឹងខឹងវីរបុរសប្រេស៊ីលហើយ។ ជាចុងក្រោយ Ronaldo ប្រាប់ថា នឹងថែរក្សារបស់នេះឲ្យបានល្អ ដើម្បីតំណាងពីមិត្តភាពអ្នកទាំងពីររៀងរហូតទៅ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
