មួយឆ្នាំមុនយកអត់បាន ឥឡូវ Man Utd បញ្ចេញកញ្ចប់លុយ ត្រៀមចរចាម្នាក់នេះសារជាថ្មី
ក្លឹបបិសាចក្រហម Man Utd ត្រូវបានគេរាយការណ៍ថា ហាក់មិនបោះបង់គោលដៅចាស់នោះទេ ដោយកំពុងតាមចែចូវ ចង់នាំយកគេមកទឹកដី Old Trafford សារជាថ្មី សម្រាប់ទីផ្សារដោះដូររដូវរងាខាងមុខ។
នោះគឺយុវជន Dani Olmo របស់ក្លឹប RB Leipzig ដែលបិសាចក្រហមធ្លាប់ចរចាកីឡាករអេស្ប៉ាញកាលពី ១២ ខែមុន តែឥឡូវនៅតែចាប់អារម្មណ៍លើកីឡាករវ័យក្មេងរូបនេះដដែល។ ដោយសារតែ Olmo គ្មានកិច្ចព្រមព្រៀងតម្លៃផ្តាច់កុងត្រាអ្វីនោះទេ ដូច្នេះការចរចាអាចដំណើរការទៅបានរលូន រវាងភាគីក្លឹប United និងក្លឹបអាណាព្យាបាល Leipzig។
បញ្ជាក់ថា Olmo គេមិនសូវបានបង្ហាញខ្លួនឡើយឲ្យក្លឹប Leipzig រដូវកាលថ្មី ក៏ដោយសារតែជួបបញ្ហារបួស ប៉ុន្តែបើរាប់ជារួម ក្រោយផ្ទេរចេញពី Dinamo Zagreb នាខែមករា ឆ្នាំ ២០២០ គឹមាន ៦៧ ប្រកួត រកបាន ១២ គ្រាប់និង Assist ១៤ លើក។ តាមហាងឆេងថ្លៃខ្លួន ខ្សែបម្រើប្រយុទ្ធរូបនេះ អាចមានតម្លៃល្បាក់ ៥០ លានអឺរ៉ូ៕
ប្រភព៖ Sportsmole
ព័ត៌មានថ្មីៗ
