ប៉ះ Liverpool ថ្ងៃមុន អាចជាប្រកួតចុងក្រោយរបស់កីឡាករ Man Utd ម្នាក់
ក្លឹបបិសាចក្រហម Man Utd អាចនឹងមានការចរចាសកម្មខ្លាំងនៅកំឡុងទីផ្សារដោះដូរពេលខាងមុខ ពោលអាចជាមានការលក់ចេញ ទិញចូលកីឡាករមួយចំនួន ដោយកន្លងមកលឺថាមានឡើងបញ្ជីឈ្មោះរួចជាស្រេចនោះ។
ក្នុងចំណោមកីឡាករដែលអាចចាកចេញ ក៏មាន Paul Pogba ម្នាក់ផងដែរព្រោះសុពលភាពកុងត្រារបស់គេត្រូវផុតនៅចុងខែមិថុនា ឆ្នាំ ២០២២។ យ៉ាងណាថាមិនត្រូវគេអាចនឹងចាកចេញនៅទីផ្សារដោះដូររដូវរងាខាងមុខ ហើយប្រកួតកាលប៉ះ Liverpool ទំនងជាប្រកួតលើកចុងក្រោយសម្រាប់កីឡាករបារាំងក៏ថាបាន។
ក៏ដោយសារតែបុរសវ័យ ២៨ ឆ្នាំ បានជួបបញ្ហារបួសកាលពីពេលថ្មីៗនេះ កំឡុងពេលហ្វឹកហាត់ឲ្យក្រុមជម្រើសជាតិបារាំង ហើយគេប្រឈមអវត្តមានពីទីលានដល់ទៅ ១០ សប្តាហ៍ឯណោះ។ ដូច្នេះគេទាមទារពេលសម្រាកដល់ឆ្នាំ ២០២២ ដែលមានន័យថា បើគេត្រូវចេញពិតមែន គឺប្រកួតកាលប៉ះហង្ស ជាប្រកួតចុងក្រោយហើយ។ នេះបើតាមសារព័ត៌មាន RMC Sport បានចុះផ្សាយ។
សម្រាប់ Poba គេបានបង្កកំហុស ដល់ទទួលបានកាតក្រហមកាលពីប្រកួតទល់ Liverpool ហើយសម្រេចឲ្យខកខានដល់ទៅ ៣ ប្រកួតក្នុងលីគ។ តាមថាគេអាចមកចូលលេងនៅ UCL បាន ពេលប៉ះ Villarreal នាចុងខែ តែយ៉ាងណាបើរបួសដែលកំពុងជួប អាចត្រូវសម្រាកដល់ ១០ សប្តាហ៍មែន នោះអាជីពរបស់ Pogba ជាមួយ United អាចនឹងត្រូវបញ្ចប់តែប៉ុណ្ណេះ៕
ប្រភព៖ RMC Sport
ព័ត៌មានថ្មីៗ
