Ronaldo ទទូចឲ្យ Man Utd ចរចាយកម្ចាស់ជើងឯក Euro រូបនេះ មកជួយខ្លួន
ក្លឹបបិសាចក្រហម Manchester United ត្រូវបានគេរាយការណ៍ថា កំពុងទទួលបានសំណើពី Cristiano Ronaldo ក្នុងការចង់ឲ្យក្រុមមានការពង្រឹងតំបន់ប្រយុទ្ធ ឲ្យកាន់តែស្រួចជាងនេះ តាមរយៈការនាំយកអ្នកថ្មីមកចូលរួម ហើយនោះគឺជាកីឡាករនៅជម្រើសជាតិអ៊ីតាលី ក៏ដូចជាម្ចាស់ជើងឯក Euro 2020។
បើតាមរបាយការណ៍ពីភ្នាក់ងារ Ivan Reggiani បាននិយាយថា Ronaldo ចាប់អារម្មណ៍លើយុវជនសញ្ជាតិអ៊ីតាលីខាងលើ ហើយចង់បានគេមកចូលរួមនៅ United ខណៈដែលតម្លៃផ្ទេររបស់គេអាចថ្លៃដល់ទៅ ១២០-១២០ លានផោន។
Chiesa ដែលមានវ័យ ២៣ ឆ្នាំ កន្លងមកគេជាចំណែកសំខាន់ជួយអ៊ីតាលីលើកពាន Euro 2020 ហើយក៏កំពុងឈរជើងឲ្យក្លឹប Juventus នៅលក្ខខណ្ឌខ្ចីជើង ដ្បិតបើជាប់កុងត្រានៅក្លឹបអាណាព្យាបាល Fiorentina។
កីឡាករជំនាញក្នុងការលេងតំណែងប្រយុទ្ធស្លាបស្តាំ គេបានចាយពេលក្នុងអាជីព ២៤៣ ប្រកួត រកបាន ៦១ គ្រាប់និង Assist ៤០ លើក។ គេក៏ធ្លាប់បានសហការជាមួយ Ronaldo បានរយៈពេលប៉ុន្មានខែផងដែរ មុនពេល CR7 ផ្ទេរមកចូលរួមនៅក្លឹបក្នុងទឹកដីអង់គ្លេស។ ដូច្នេះហើយ Ronaldo ជឿថា មិត្តចាស់ម្នាក់នោះ នឹងអាចជួយគាំទ្រខ្លួននៅតំបន់ប្រយុទ្ធ សម្រាប់ក្លឹប Man Utd បាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
