នរណាហ៊ានយក? Barcelona ត្រៀមដំឡើងតម្លៃផ្តាច់កុងត្រាកីឡាករម្នាក់ ដល់ ៥៨០ លានដុល្លារ
ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងត្រៀមចរចាផ្តល់កុងត្រាថ្មីសម្រាប់យុវជនឆ្នើម Gavi ក្នុងគោលដៅបន្ថែមតម្លៃផ្តាច់កុងត្រារបស់គេឲ្យខ្ពស់ជាងមុន ដើម្បីធានាថានឹងមិនមានក្លឹបណាមួយអាចយកបាន។
បុរសវ័យ ១៧ ឆ្នាំ គេបានផ្ទេរមកចូលរួមនៅឈុតធំ ហើយក៏ទទួលបានការកោះហៅពីអ្នកចាត់ការនៅក្រុមជម្រើសជាតិផងដែរ។ សមត្ថភាពរបស់គេហាក់លេចធ្លោខ្លាំងនៅរយៈពេលចុងក្រោយ ពោលនឹងអាចជាមានចំណែកបង្ហាញខ្លួនច្រើនឲ្យ Barcelona នៅពេលខាងមុខ។
យ៉ាងណាកុងត្រារបស់ខ្សែបម្រើអេស្ប៉ាញរូបនេះ ត្រូវផុតនៅរដូវក្តៅឆ្នាំ ២០២៣ ហើយបើតាមសារព័ត៌មាន Sport ចុះផ្សាយថា Barca ចង់តកុងត្រាថ្មីឲ្យគេដល់រដូវក្តៅឆ្នាំ ២០២៦ ជាមួយនឹងតម្លៃផ្តាច់កុងត្រា ៤២៦ លានផោន ឬជាង ៥៨០ លានដុល្លារ។
ជាមួយតម្លៃផ្តាច់កុងត្រាប៉ុណ្ណេះ នឹងអាចធានាបានថា គ្មានក្លឹបណាហ៊ានចូលចរចាយកបាននោះទេ ហើយគេនឹងត្រូវឈរជើងរយៈពេលច្រើនឆ្នាំជាមួយក្លឹប Barcelona តទៅមុខទៀត។ ស្ថិតិនៅរដូវកាលថ្មី យុវជនកើតឆ្នាំ ២០០៤ Assist បាន ១ លើកនៅការបង្ហាញខ្លួន ៧ ប្រកួតឲ្យក្លឹប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
