Ronaldo ម្នាក់មិនគ្រប់ទេ Crouch ថា Man Utd បើចង់ឈ្នះពាន ទល់យកម្នាក់នេះបន្ថែមទៀត
អតីតកីឡាករជើងចាស់នៅបិសាចក្រហម លោក Peter Crouch បាននិយាយថា Man Utd នឹងមិនអាចឈ្នះពានរង្វាន់បាននោះទេ ដ្បិតអីទើបយកបានតារាឆ្នើម Cristiano Ronaldo ក៏ដោយ ព្រោះក្លឹបនៅមានចន្លោះតំបន់បម្រើខាងក្រោម។
លោក Crouch យល់ឃើញថា United ពិបាកក្នុងការសាងបាល់ទៅតំបន់ខាងលើ ហើយពេលគ្រប់គ្រងបាល់ឆ្លើយតបចេញពីគូប្រជែងវិញក៏ធ្វើមិនសូវបានល្អដែរ ហើយមានតែ Declan Rice ឬ Kalvin Phillips ប៉ុណ្ណោះទើបអាចមកបំពេញចន្លោះនោះបាន។
អតីតខ្សែបម្រើការពាររបស់ United និយាយ៖ "Solskjaer តែងតែនឹងចង់បានកីឡាករដែលអាចផ្សារភ្ជាប់សាច់បាល់ដ៏មានស្ថិរភាពមួយ ហើយគ្រប់ក្រុមដែលល្អទាំងអស់ក៏រមែងត្រូវការកីឡាករបម្រើការពារ ដែលមានសមត្ថភាពអាចគ្រប់គ្រងបាល់យ៉ាងល្អ"។
លោកបន្ថែមថា៖ "កាល Xabi Alonso នៅ Liverpool ពេលខ្ញុំលេងឲ្យក្លឹបនោះ គាត់គឺជាឧទាហរណ៍ដ៏ល្អមួយ អ៊ីចឹងក្លឹបអាចដាក់ Declan Rice ឬ Kalvin Phillips នៅតំបន់នោះ ដូច្នេះទើបអាចនាំឲ្យពួកគេក្លាយជាក្រុមដ៏ល្អរឹងមាំប្រចាំលីគ ហើយអាចឈ្នះពានរង្វាន់បាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
