ច្បាស់ការ! Mbappe សារភាពថាពិតជាចង់ចាកចេញ ហើយមានបំណងផ្ទេរទៅក្លឹបមួយនេះ
Kylian Mbappe នៅតែមានអារម្មណ៍ក្នុងការចាកចេញ ស្របពេលដែលកន្លងទៅកាលពីរដូវក្តៅ ការចរចាមិនទទួលបានជោគជ័យហើយក្លឹប Paris Saint-Germain បានបន្តរក្សាជើងកីឡាករបារាំងមកទល់សព្វថ្ងៃ។
យ៉ាងណាតាមរយៈការលើកឡើងជាផ្លូវការ ចេញពីមាត់សាមីខ្លួនផ្ទាល់ គឺ Mbappe ប្រាប់នៅបទសម្ភាសន៍ជាមួយ L'Euqipe និង RMC កន្លងទៅថា៖ "ចាប់តាំងពីខ្ញុំចង់ចាកចេញពីប៉ារីស ខ្ញុំមានឆន្ទៈច្បាស់លាស់ហើយ ដោយអនាគតពេលបន្ទាប់បែបណា យើងនឹងបានដឹង"។
លោកបន្ត៖ "តែពេលរដូវក្តៅកន្លងទៅ ប្រសិនខ្ញុំផ្ទេរចេញពី PSG ក្លឹបតែមួយគត់ដែលខ្ញុំទៅគឺក្លឹប Real Madrid ដោយខ្ញុំគិតថា ដំណើរផ្សងព្រេងរបស់ខ្ញុំនៅទីនេះ គឺឈានមកដល់ទីបញ្ចប់ហើយ ខ្ញុំនៅ Ligue 1 ៦ ឬ ៧ ឆ្នាំហើយ ខ្ញុំក៏បានផ្តល់គ្រប់យ៉ាងសម្រាប់ក្លឹបប៉ារីសនិងធ្វើបានល្អណាស់ដែរ ដូច្នេះហើយការចាកចេញគឺជាជំហានបន្ទាប់របស់ខ្ញុំ"។
គួរបញ្ជាក់ថា ផ្អែកតាមសុពលភាពកុងត្រា Mbappe ត្រូវផុតនៅចុងខែមិថុនា ឆ្នាំ ២០២២ ខាងមុខ ហើយប្រសិនមិនអាចបន្តបានជោគជ័យ នោះគេនឹងអាចផ្ទេរទៅក្លឹប Real Madrid ដោយលក្ខខណ្ឌឥតតម្លៃខ្លួន មានន័យថា Real Madrid ក៏មិនចាំបាច់ចាយលុយរយលានលើការចរចាអ្វីទៀតដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
