មិនទាន់អស់ចិត្ត! Man Utd នឹងបើកការចរចាជាថ្មី លើគោលដៅចាស់ម្នាក់នៅ La Liga
ក្លឹបបិសាចក្រហម Manchester United ត្រូវបានគេរាយការណ៍ថា នៅតែបន្តចាប់អារម្មណ៍លើគោលដៅចាស់នៅក្លឹប Barcelona ដែលជឿថា គេអាចជានឹងយល់ព្រមលើការផ្ទេរមក Old Trafford នៅពេលខាងមុខ។
នោះគឺខ្សែប្រយុទ្ធស្លាប Ousmane Dembele ដែលសុពលភាពកុងត្រារបស់គេត្រូវផុតនៅចុងខែមិថុនា ឆ្នាំ ២០២២ ហើយតាមចចាមអារ៉ាមសព្វមួយដង United តាមចរចាចង់នាំយក តាំងតែពីរដូវក្តៅឆ្នាំ ២០១៩ ឯណោះ។
យ៉ាងណាក្រុមដឹកនាំដោយលោក Ole Gunnar Solskjaer ក៏នៅតែមិនបោះបង់ ហើយនៅទីផ្សារដោះដូរខែមករាខាងមុខ គេនឹងចូលទៅជជែកជាមួយកីឡាករឈ្នះជើងឯក World Cup ខាងលើជាថ្មី ប្រសិនត្រូវរ៉ូវគឺនាំគេមកចាប់ដៃជាមួយ Cristiano Ronaldo នៅពេលដ៏ខ្លីខាងមុខនេះតែម្តង។ នេះបើតាមសារព័ត៌មាន Mundo Deportivo បានចុះផ្សាយ។
រំឭកថាក្រៅពីបិសាចក្រហម ខ្សែប្រយុទ្ធស្លាបវ័យ ២៤ ឆ្នាំខាងលើ ក៏មានក្លឹប Juventus ចាប់អារម្មណ៍ផងដែរ។ ជាមួយ Barcelona គេមិនសូវបានលេងជាប់លាប់ដោយសារជួបបញ្ហារបួសញឹកញាប់ ហើយស្ថិតិជារួម ១១៨ ប្រកួត រកបានតែ ៣០ គ្រាប់និង Assist ២១ លើកប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
