Real Madrid ចង់បានម្នាក់នេះមកជំនួស Ramos តែចរចាមិនទាន់ត្រូវថ្លៃ
ក្លឹប Real Madrid ហាក់នៅតែចន្លោះប្រហោងតំបន់ការពារ ក្រោយពីបាត់បង់ខ្សែការពារព្រមគ្នា ២ រូបមាន Raphael Varane និង Sergio Ramos។ បើតាមសារព័ត៌មាន Marca ចុះផ្សាយពេលចុងក្រោយនេះ ខាងក្លឹបស្តេចស បាននឹងកំពុងសម្លឹងឃើញកីឡាកររួមលីគ តែមិនទាន់ចរចាត្រូវថ្លៃ។
នោះគឺ Pau Torres ដែលក្លឹបយក្សអេស្ប៉ាញជឿថា មានតែម្នាក់ហ្នឹងទេ អាចមកបំពេញចន្លោះរបស់ Sergio Ramos ក្រោយគេចាកចេញកាលពីរដូវក្តៅ ផ្ទេរទៅកាន់ក្លឹប PSG។ ប្រភពបានឲ្យដឹងថា Real Madrid មិនទាន់ចរចាតម្លៃផ្ទេរត្រូវរ៉ូវនោះទេ ស្របពេលដែលភាគីក្លឹបអាណាព្យាបាលទាមទារដល់ទៅ ៥០ លានអឺរ៉ូ ឬជាង ៥៨ លានដុល្លារ។
តារាឆ្នើមវ័យ ២៤ ឆ្នាំខាងលើ ក៏ត្រូវបានក្លឹប Man Utd និង Tottenham Hotspur តាមសម្លឹងមើលផងដែរ តែតាមដឹង Pau គេអាចជាសម្រេចចិត្តនៅរដូវក្តៅឆ្នាំ ២០២២ គ្រាន់មិនច្បាស់ថា នឹងសម្រេចការជ្រើសយកក្លឹបណាមួយ។ បើផ្ទេរមក Real គេនឹងអាចសហការគ្នាជាមួយ David Alaba។
បញ្ជាក់ថា ខ្សែការពារសញ្ជាតិអេស្ប៉ាញ គឺជាយុវជនថ្នាលរបស់ Villarreal តាំងតែពីដើមមក ហើយចាយពេលឲ្យឈុតធំជាង ៣ ឆ្នាំមកនេះ គេបង្ហាញខ្លួនសរុប ៩៤ ប្រកួត រកបាន ៥ គ្រាប់និង Assist ៤ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
