Bent ថាតារាឆ្នើម PL រូបនេះ សមតែទទួលបានថ្លៃពលកម្ម ៥០០ ០០០ ផោន/សប្តាហ៍
អ្នកវិភាគលើប៉ុស្តិ៍ TalkSport លោក Darren Bent បានបង្ហាញការយល់ឃើញថា តារាឆ្នើមនៅក្លឹបហង្សក្រហម Liverpool សក្ដិសមតែអាចទទួលបានថ្លៃពលកម្ម ៥០០ ០០០ ផោន/សប្តាហ៍ ក្រោយមើលពីរបៀបដែលគេបង្ហាញទម្រង់លេងយ៉ាងល្អឥតខ្ចោះនៅការប៉ះ Man City នាចុងសប្តាហ៍។
នោះគឺ Mohamed Salah ដែលគេបានចូលរួមចំណែករកគ្រាប់បាល់ Solo Goal យ៉ាងស្អាតឲ្យក្រុមលោក Jurgen Klopp អាចទទួលបាន ១ ពិន្ទុពីក្រុមភ្ញៀវ Man City។
ប្រាប់ទៅ talkSPORT លោក Bent និយាយ៖ "ប្រសិនគ្រាប់បាល់បែបហ្នឹង Lionel Messi ឬ Cristiano Ronaldo ជាអ្នកស៊ុត ម្ល៉េះយើងនឹងលើកមកជជែកច្រើនសប្តាហ៍ហើយ ដោយនេះ Salah គេកំពុងក្លាយជាកីឡាករល្អបំផុតមួយក្នុងចំណោមអ្នកទាំងពីរក្នុងលោក"។
លោកបន្ថែម៖ "បើជាខ្ញុំវិញ ខ្ញុំចង់ឲ្យកុងត្រាគេ ៣ ឆ្នាំទៀត ហើយព្រមឲ្យគេនូវគ្រប់យ៉ាងដែលគេចង់បាន ដោយព្រមឲ្យប្រាក់ពលកម្ម ៥០០ ០០០ ផោន/សប្តាហ៍សម្រាប់គេក៏បានដែរ"។
គួរបញ្ជាក់ថា ខ្សែប្រយុទ្ធសញ្ជាតិអេហ្សីបរដូវកាល ២០២១/២២ គេបង្ហាញខ្លួនសរុបឲ្យ Liverpool ៩ ប្រកួត រកបាន ៩ គ្រាប់និង Assist ៣ លើក កំពុងឈរចំណាត់ថ្នាក់ Top Scorer បណ្តោះអាសន្ននៅ Premier League៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
