Danny Blind ថា Ronaldo កំពុងបង្កកំហុសមួយ ទើបធ្វើឲ្យ United ធ្លាក់ដុនដាបខ្លាំង
អតីតតារាឆ្នើមនៅក្លឹប Ajax និងជម្រើសជាតិហូឡង់ លោក Danny Blind បានបន្ទោសទៅលើ Cristiano Ronaldo ថាជាដើមហេតុនាំឲ្យបាត់បង់ទំនាក់ទំនងក្នុងការផ្សារភ្ជាប់បាល់មកកាន់តំបន់ប្រយុទ្ធ ពោលជាដើមចមធ្វើឲ្យក្រុមធ្លាក់ទម្រង់លេងនៅរយៈពេលចុងក្រោយ។
ដ្បិតបើ CR7 អាចរកបាន ៥ គ្រាប់នៅការបង្ហាញខ្លួន ៦ ប្រកួតតែលោក Blind យល់ឃើញថា United លែងប្រើប្រាស់ទម្រង់លេងដូចជាពេលមុនទៀតហើយ ដោយសារតែ Ronaldo គេរង់ចាំតែបញ្ចប់ទីនៅខាងលើ ហើយទុកឲ្យកីឡាករទាំងអស់ក្នុងក្រុមព្យាយាមក្នុងការសាងបាល់ពីខាងក្រោម។
លោក Blind ថា៖ "ជាទូទៅខ្សែប្រយុទ្ធគួរតែមានការរត់ពីតំបន់ការពារកណ្តាលទៅកាន់តំបន់មួយផ្សេងទៀត ដល់តែ Ronaldo គេមិនធ្វើបែបហ្នឹង គេរង់ចាំតែការបញ្ចប់ទីនៅខាងលើ នាំឲ្យបាត់បង់ការផ្សារភ្ជាប់បាល់ពីខាងក្រោមមកច្រើន"។
លោកសង្កត់ធ្ងន់៖ "ពេលបាល់ធ្លាក់ទៅដល់ជើងគូប្រជែង អ្នកឃើញ Paul Pogba ប្រាប់ឲ្យអ្នករាល់គ្នាព្យាយាមដាក់សម្ពាធ តែ Ronaldo គឺអត់ទេ គាត់គិតតែរង់ចាំការបញ្ចប់ទីនៅខាងលើ ហើយផ្អែកលើកីឡាករដទៃទាំងស្រុង ថាអាចប្រជែងយកបាល់មកបាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
