Khabib ផ្ញើពាក្យនេះទៅ Beckham/Ronaldo ក្រោយលើកកាន់អាវលេខ ៧ នៅ Old Trafford
នៅជំនួបរវាងក្លឹប Man Utd និង Everton កាលពីល្ងាចថ្ងៃសៅរ៍ ក្នុងកីឡដ្ឋាន Old Trafford ក៏មានវត្តមានតារាឆ្នើម Khabib Nurmagomedov ដែលជាអតីតដៃឆៅលើសង្វៀន UFC មកចូលទស្សនាផងដែរ។
ជាមួយវត្តមានអតីតកីឡាករ UFC រូបនេះ គេបានមកតាមរយៈការអញ្ជើញពីសំណាក់ក្លឹប Man Utd ហើយគេក៏ទទួលបានអាវលេខ ៧ ដែលមានឈ្មោះថា 'Khabib' យ៉ាងពិសេសមួយផងដែរ។ ជាមួយការឈរកាន់អាវលេខ ៧ និងមានឈ្មោះ Khabib គេក៏បានបង្ហោះរូបភាពនោះ អមពាក្យសុំទោសជាមុនពីសំណាក់ជើងចាស់លោក David Beckham និងមិត្តបច្ចុប្បន្នរបស់គេគឺ Cristiano Ronaldo។
សរសេរមុនការប្រកួតលើ Instagram អត្តពលិកសញ្ជាតិរុស្ស៊ីខាងលើថា៖ "នេះជាកិត្តិយសសម្រាប់ខ្ញុំ ការដែលអាចមកទស្សនាកីឡដ្ឋានដ៏អស្ចារ្យ តាមរយៈការអញ្ជើញពីសំណាក់ក្លឹប Manchester United ដោយពិតជាអរគុណសម្រាប់ការស្វាគមន៍យ៉ាងកក់ក្តៅ"។
លោកបន្ត៖ "ខ្ញុំសង្ឃឹមថា Cristiano Ronaldo និង David Beckham មិនប្រកាសទោសពៃរ៍អ្វីទៅចុះ ការដែលខ្ញុំយកអាវលេខ ៧ នេះ ខ្ញុំនឹងមិនធ្វើឲ្យវាបាត់ទៅណានោះទេ ព្រោះខ្ញុំនឹងព្យួរនៅជញ្ជាំងកន្លែងខ្ញុំចេញចូលរាល់ថ្ងៃនៅខាងក្នុងផ្ទះ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
