Benzema ថាមិត្តរួមជម្រើសជាតិម្នាក់នេះប្រាប់ខ្លួនមុនហើយ ថានឹងមកចូលរួមនៅ Real Madrid
ខ្សែប្រយុទ្ធ Karim Benzema បានទម្លាយថា មិត្តរួមជម្រើសជាតិនៅក្រុមមាន់គកបារាំង បានប្រាប់មកកាន់ខ្លួនច្បាស់ៗហើយថា នឹងផ្ទេរមកក្លឹប Real Madrid គ្រាន់ថាមិនដឹងនៅពេលវេលាណាមួយច្បាស់លាស់នោះទេ។
នោះគឺ Kylian Mbappe ដែលក្លឹប Real Madrid បានដាក់សំណើទិញយកកាលពីរដូវក្តៅនៅតម្លៃខ្លួន ១៩៧ លានផោន តែខាងភាគីក្លឹប PSG បដិសេធ។ យ៉ាងណាសុពលភាពកុងត្រារបស់គេត្រូវផុតនៅរដូវក្តៅខាងមុខ ដែលមានន័យថាគេអាចផ្ទេរមកស្តេចសនៅលក្ខខណ្ឌឥតតម្លៃខ្លួនបាន។
បើតាមការលើកឡើងរបស់ Benzema ប្រាប់ទៅ L'Equipe និយាយ៖ "Kylian Mbappe នឹងមកចូលរួមនៅ Real Madrid ថ្ងៃណាមួយ ដោយខ្ញុំច្បាស់ តែមិនដឹងពេលណាទេ តែគេនឹងមកទីនេះ ជារួមគឺវាស៊ីសងលើពេលវេលាប៉ុណ្ណោះ ដោយនេះគេជាអ្នកនិយាយខ្លួនឯងទាំងអស់"។
គួរបញ្ជាក់ថា Mbappe នៅតែបង្ហាញភាពល្អឥតខ្ចោះរបស់ខ្លួនជាមួយ PSG ដ្បិតបើនេះអាចជារដូវកាលចុងក្រោយរបស់ខ្លួនក៏ដោយ។ ការបង្ហាញខ្លួននៅរដូវកាលថ្មី ៨ ប្រកួត គេរកបាន ៤ គ្រាប់និង Assist ៣ លើកនាំឲ្យស្ថិតិជារួមរបស់គេជាមួយក្លឹបមានមូលដ្ឋានក្នុងទីក្រុងប៉ារីស ឡើងដល់ ១៣៦ ប្រកួត និង Assist ៦៦ លើកនៅ ១៨១ ប្រកួតសរុប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
