ម្តងនោះវក់ស៊ុតខ្លាំងពេក Ronaldo ដល់ថ្នាក់ប្រាប់ឲ្យ UEFA ដូរឈ្មោះពាន UCL មកជាបែបនេះ
Cristiano Ronaldo នៅ UEFA Champions League រដូវកាលថ្មី ២០២១/២២ គេរកបាន ២ គ្រាប់នៅ ២ ជុំដំបូង ហើយគ្រប់គ្នាកំពុងគិតថា CR7 ទំនងជានឹងអាចត្រលប់ទៅភាពល្អឥតខ្ចោះសារជាថ្មី ពោលគឺការរកបាន ១៧ គ្រាប់នៅរដូវកាលទោល ដែលជាកំណត់ត្រាចាស់របស់ខ្លួន។
យ៉ាងណាយើងបង្វែរទៅរឿងដើមមួយកាលពីរដូវកាល ២០១៧/១៨ ដែលជាលើកចុងក្រោយ កីឡាករព័រទុយហ្គាល់លើកពានអឺរ៉ុប ជាមួយក្លឹប Real Madrid។ គ្រានោះលោកក៏បានជាប់ឈ្មោះជា Top Scorer ប្រចាំរដូវកាលផងដែរ។
និយាយក្រោយយកឈ្នះទៅលើ Liverpool នៅវគ្គផ្តាច់ព្រ័ត្រ CR7 ថា៖ "នរណាជា Top Scorer ម្តងទៀត? ការប្រកួត Champions League គួរតែប្តូរឈ្មោះ ហើយហៅថា CR Champions League វិញទៅ នេះដោយសារខ្ញុំបានឈ្នះវា ៥ លើក ខ្ញុំជា Top Scorer ម្តងទៀតហើយ"។
គួរបញ្ជាក់ថា តារាឆ្នើមវ័យ ៣៦ ឆ្នាំ បានកំពុងនឹងគ្រងកំណត់ត្រាធំៗជាច្រើននៅ UCL ហើយមានកំណត់ត្រាធំ ២ ពិបាកនឹងមាននរណាតាមមកបំបែកបាន ដូចជាការបង្ហាញខ្លួនច្រើនបំផុត ១៧៨ ប្រកួត និងការរកបានគ្រាប់បាល់ច្រើនបំផុតគឺ ១៣៦ គ្រាប់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
