អតីតខ្សែប្រយុទ្ធ Liverpool ម្នាក់ថា បច្ចុប្បន្ននេះ Messi និង Ronaldo មិនល្អដល់ Mo Salah ទេ
អតីតខ្សែប្រយុទ្ធក្រុមហង្សក្រហម Liverpool លោក Dean Saunders បាននិយាយថា Messi និង Ronaldo បច្ចុប្បន្នមិនល្អដល់ Mohamed Salah នោះទេ។
ថ្លែងទៅកាន់ talkSPORT ៖“ ឥឡូវនេះ! បើយើងនិយាយតើអ្នកណាល្អជាង Mohamed Salah? ស៊ុតបញ្ចូលទីប្រាំបីគ្រាប់ក្នុងការចូលលេង៨ប្រកួតក្នុងនាមជាខ្សែប្រយុទ្ធស្លាបស្តាំ គាត់មិនលេងនៅកណ្តាលទេ"។
“ គាត់មើលទៅ គ្មាននរណាអាចបញ្ឈប់បានទេ។ មាន Lionel Messi និង Cristiano Ronaldo ដេលល្អរៀងៗខ្លួន ប៉ុន្តែឥឡូវនេះពួកគេមិនល្អដូច Salah ទេ"។
"ឥឡូវនេះ! ខ្ញុំនឹងជ្រើសរើសយក Salah ។វាពិតជាងាយស្រួលដែលនិយាយថា Ronaldo ប៉ុន្តែឥឡូវនេះ Salah មើលទៅដូចជាគាត់នឹងរកគ្រាប់បាល់រៀងរាល់សប្តាហ៍" ។
សម្រាប់ Ronaldo ពេលនេះបានស៊ុតបាល់បញ្ចូលទី ៥ គ្រាប់លើ៥ប្រកួតចាប់តាំងពីចូលរួមជាមួយក្រុមបិសាចក្រហម Manchester United បន្ទាប់ពីចាកចេញពី Juventus ។
ចំពោះ Messi !កីឡាករសញ្ជាតិអាហ្សង់ទីនបានរកគ្រាប់បាល់ដំបូងរបស់ខ្លួនសម្រាប់ក្រុម Paris Saint-Germain ក្នុងជ័យជម្នះ ២-០ ទល់នឹងក្រុម Manchester City ក្នុងការប្រកួតក្របខ័ណ្ឌ Champions League កាលពីថ្ងៃអង្គារ។
ចុះប្រិយមិត្តវិញគិតថានរណាល្អជាងគេនាពេលបច្ចុប្បន្ននេះ?
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
