មិនមែន Messi តែ Pep ថាស្រលាញ់ការលេងរបស់កូនក្រុម PSG រូបនេះខ្លាំងបំផុត
ដ្បិតបើក្រុមទទួលរងបរាជ័យ តែខាងលោក Pep Guardiola ជាអ្នកចាត់ការក្លឹប Man City ហាក់នៅតែបង្ហាញការកោតសរសើរមិនដាច់ពីមាត់ ដល់កីឡាកររបស់ក្លឹប Paris Saint-Germain មិនថាតែ Leo Messi និងកីឡាករដទៃទៀត។
ក្រោយចប់ការប្រកួត ដែល City ចាញ់ PSG ២-០ អ្នកចាត់ការសញ្ជាតិអេស្ប៉ាញ បាននិយាយពីឈ្មោះខ្សែបម្រើ Marco Verratti ថាគេពូកែរកចន្លោះលេង ពោលស្រលាញ់ការបង្ហាញទម្រង់លេងប្រកួតយប់មិញរបស់កីឡាករអ៊ីតាលីជាខ្លាំង។
លោក Guardiola ថា៖ "ខ្ញុំស្រលាញ់ការលេងរបស់ Verratti ខ្លាំងណាស់ ដោយដ្បិតបើក្រោមសម្ពាធ តែគេនៅរកចន្លោះបញ្ជូនបាល់ ឲ្យតំបន់បម្រើមើលទៅមានចន្លោះលេងដដែល គេមិនមែនជាកីឡាករចូលចិត្តលេងបាល់វែងទេ តែគេនៅតែល្អក្នុងការសាងបាល់មកខាងលើ"។
លោកបន្ថែម៖ "យើងបានគ្រប់គ្រងដាក់សម្ពាធទៅលើគេបានល្អប្រសើរជាងមុននៅតង់ទី ២ តែកាលពីតង់ទី ១ គេពិតជាធ្វើបានល្អខ្លាំងណាស់"។ គួររំឭកថា ខ្សែបម្រើវ័យ ២៨ ឆ្នាំរបស់ PSG នៅរដូវកាលនេះ បង្ហាញខ្លួនសរុប ៣ ប្រកួត តែមិនទាន់រកបានគ្រាប់បាល់នៅឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
