រៀនចេះទុកអបអរជុំគ្នា! ប្រទះឃើញ Lingard បង្រៀន Ronaldo ស្ទាយអបអរ J-Lingz
Jesse Lingard ហាក់ស្និទ្ធស្នាលជាមួយ Cristiano Ronaldo ខ្លាំងណាស់ មិនថាតែក្នុងនិងក្រៅទីលាន ដោយសង្កេតឃើញកីឡាករព័រទុយហ្គាល់ហាក់ទុកចិត្តលើគុណភាពរបស់កីឡាករអង់គ្លេសរូបនេះជាខ្លាំង។
កាលពីជាង ១០ ឆ្នាំមុន Lingard គ្រាន់ជាក្មេងតូចម្នាក់ ដែលនៅមើល Ronaldo បង្រៀនញាក់បាល់ តែត្រលប់មកជាង ១០ ឆ្នាំក្រោយ អ្នកទាំងពីរបែរក្លាយជាមិត្តរួមទ្រនំនឹងគ្នា ហើយកន្លងទៅនេះមានទាំងប្រទះឃើញ ខ្សែបម្រើរបស់ក្លឹប Man Utd បង្រៀនខ្សែប្រយុទ្ធឆ្នើម Ronaldo អំពីការធ្វើស្ទាយអបអរ J-Lingz ទៀតផង។
សកម្មភាពនេះគេជឿថា ប្រសិនណា Lingard ឬ Ronaldo អាចរកបានគ្រាប់បាល់នៅពេលបន្ទាប់ នោះពួកគេអាចជាបញ្ចេញស្ទាយនោះរួមគ្នា ហើយស្រមៃទៅមើល បើ Ronaldo ធ្វើ គឺពិតជាប្លែកខ្លាំង ។
គួររំឭកថានៅរដូវកាលថ្មី ២០២១/២២ Lingard រកបាន ២ គ្រាប់នៅការបង្ហាញខ្លួន ៥ ប្រកួត ស្របពេលដែល Cristiano Ronaldo បង្ហាញខ្លួន ៥ ប្រកួត រកបាន ៤ គ្រាប់។ ពួកគេទាំងពីរក៏ទំនងសហការគ្នា នៅជំនួបទល់ក្លឹប Villarreal រាត្រីនេះផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
