នេះជាមូលហេតុដែល Bruno ទទួលភារកិច្ចស៊ុតបាល់១១ម៉ែត្រទល់និង Aston Villa ហើយ Ronaldo បែរជាឈរមើលទៅវិញ
នៅពេលដែល Cristiano Ronaldo បានចូលរួមជាមួយក្រុមបិសាចក្រហម Manchester United ម្តងទៀត មានការជជែកវែកញែកជាច្រើនក្នុងបណ្ដាញសង្គម និងបណ្ដាញសារព័ត៌មានថាតើអ្នកណាគួរជាអ្នកស៊ុតប៉េណាល់ទីរបស់ក្លឹប។
ប៉ុន្តែចាប់តាំងពីខែមករាឆ្នាំ ២០២០មក Bruno Fernandes គឺជាជម្រើសមួយដ៏ល្អបំផុតហើយគាត់មិនធ្វើឱ្យអ្នកគាំទ្រខកចិត្តឡើយ។ វាមិនមែនជារឿងគួរឱ្យភ្ញាក់ផ្អើលទេ នៅពេលដែលខ្សែបម្រើរូបនេះ កាន់បាល់មកស៊ុតបាល់ប៉េណាល់ទីនៅនាទីទី ៩៣ ទល់នឹងក្រុម Aston Villa ជំនួស Ronaldo បើទោះបីជា Martinez ចង់ឱ្យ Ronaldo ជាអ្នកទាត់ក៏ដោយ។
ទោះយ៉ាងណាក៏ដោយ Bruno ស៊ុតមិនចូល ហើយនេះបានធ្វើឱកយមានការជជែកវែកញែកបន្ថែមទៀតថា តើ Ronaldo ជាជម្រើសល្អជាង Bruno ឬក៏យ៉ាងណា។ កាសែត Manchester Evening News ទិន្នន័យបង្ហាញថាកំណត់ត្រារបស់ Bruno គឺល្អជាងកំណត់ត្រារបស់ Cristiano ដូច្នេះវាជារឿងដ៏ត្រឹមត្រូវចំពោះការសម្រេចចិត្តនេះ។
មុនពេលការប្រកួតដែល Man Utd ចាញ់ Villa ១ទល់០ កំណត់ត្រា Ronaldo ស៊ុតប៉េណាល់ទីបានតែ ៨០ ភាគរយប៉ុណ្ណោះក្នុងអាជីពរបស់គាត់។ ផ្ទុយទៅវិញ Bruno ទទួលបាន ៩៣ ភាគរយ។ ការស៊ុតបាល់១១ម៉ែត្រមិនចូលកាលពីថ្ងៃសៅរ៍ បានធ្វើឱ្យកំណត់ត្រាធ្លាក់ចុះមកសល់ត្រឹម ៩០ ភាគរយ ប៉ុន្តែវានៅតែខ្ពស់ជាងអត្រាស៊ុតរបស់ Ronaldo ។
រឿងដែលគួរឱ្យកត់សម្ពាល់គឺថា Ronaldo ទទួលបានបាល់ប៉េណាល់ទីសរុប (១៣៩ លើកនិងខកខាន ២៨ ដង) ក្នុងអាជីពរបស់គាត់ បើប្រៀបធៀបទៅនឹង Fernandes (៤២ គ្រាប់និងខកខានតែ ៤ ដងប៉ុណ្ណោះ) ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
