Neville ប្រាប់ចំណុចខ្វះខាតមួយរបស់ Man Utd ដែលធ្វើឲ្យពួកគេមិនអាចឈ្នះពាន ទោះមាន Ronaldo
បើទោះបីមាន Cristiano Ronaldo ក៏ក្លឹប Manchester United មិនអាចឈ្នះពានរង្វាន់នោះដែរ ប្រចាំរដូវកាល ២០២១/២២។ នេះបើតាមការយល់ឃើញពីអតីតជើងចាស់លោក Gary Neville។
លោកក៏បានពន្យល់ហេតុផលច្បាស់លាស់ដោយត្រង់ថា United លេងជាក្រុមមិនបានល្អដូចក្លឹបកំពូលដទៃទៀតនោះទេ ពោលគឺវាជាកង្វះខាតដ៏ធំ ដែលឥទ្ធិពល CR7 ក៏មិនអាចជួយយឹតយោងបានដែរ។
Neville និយាយប្រាប់ Sky Sports ក្រោយ United ចាញ់ Aston Villa ១-០ កន្លងទៅថា៖ "ខ្ញុំនិយាយហើយ ថាដ្បិតកន្លងមកពួកគេឈ្នះការប្រកួត ជាមួយ Ronaldo អាចរកបានគ្រាប់បាល់ តែពួកគេលេងជាក្រុមមិនទាន់បានល្អ ដល់ថ្នាក់អាចឈ្នះពានលីគកំពូលមួយនេះបានទេ បើតាមការយល់ឃើញរបស់ក្រុម"។
លោកបន្ត៖ "ខ្ញុំគិតថា United គួរតែមានការលេងជាក្រុមឲ្យបានល្អជាងនេះ ទាំងពេលគ្រប់គ្រងបាល់ និងមិនគ្រប់គ្រងបាល់ ព្រោះពេលចុងក្រោយនេះ ខ្ញុំនៅតែឃើញពួកគេ ហាក់លេងជាបុគ្គលច្រើនជាង ដូច្នេះហើយទើបទទួលលទ្ធផលត្រលប់មកវិញ តាមអ្វីដែលពួកគេលេងមិនបានល្អ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
