ក្លឹប Spurs មើលឃើញកីឡាករក្រៅជម្រើស តែមានគុណភាពមួយរូបរបស់ Juve
ក្លឹប Tottenham Hotspur ត្រូវបានគេរាយការណ៍ថា កំពុងសម្លឹងឃើញកីឡាករនៅក្លឹបសេះបង្កង់ Juventus មួយរូប ដែលស្ថិតនៅក្រៅជម្រើសរបស់លោក Massimiliano Allegri ពោលគឺជាស្រមោលនៅតំបន់ប្រយុទ្ធរបស់ក្រុម។
នោះគឺកើតឡើងចេញពីការចាប់អារម្មណ៍របស់នាយកផ្នែកកីឡាលោក Fabio Paratici ដែលធ្លាប់ជាអតីតនាយកជាន់ខ្ពស់នៅក្លឹប Juventus ដោយមើលឃើញថាខ្សែប្រយុទ្ធស្លាប Dejan Kulusevski នៅតែមានគុណភាព អាចយកមកបង្កើតផ្លែផ្កានៅក្លឹបអង់ក្លេសបាន។
កីឡាករខាងលើ ត្រូវបានក្លឹប Juventus ទិញចេញពី Atalanta នៅតម្លៃ ៣៥ លានអឺរ៉ូ ហើយឲ្យទៅដុសខាត់ខ្លួនជិតមួយរដូវកាលនៅក្លឹប Parma រួចយកមកចូលក្លឹបវិញ តែនៅរដូវកាលនេះ គេទើបជាប់ជម្រើសដំបូងបានមួយដងគត់ ពោលភាគច្រើនលេងបម្រុង ហើយទើបឈរជើងបានតែជាង ២០០ នាទីប៉ុណ្ណោះ។
យ៉ាងណាទៅមើលសុពលភាពកុងត្រារបស់កីឡាករស៊ុយអែតត្រូវផុតនៅចុងខែមិថុនា ឆ្នាំ ២០២៥ ឯណោះ ដែលនាំឲ្យ Juventus ក៏អាចនឹងទទួលបានតម្លៃខ្លួនគេខ្ពស់ផងដែរ ប្រសិន Spurs ចង់បាននៅរដូវរងា ឆ្នាំ ២០២២។ តាមហាងឆេងថ្លៃខ្លួន Kulusevski អាចថ្លៃល្បាក់ ៤០ ទៅ ៥០ លានអឺរ៉ូ៕
ប្រភព៖ AF
ព័ត៌មានថ្មីៗ
