ភ្ញាក់ផ្អើល! វិសាខាប្រកាសចែកផ្លូវគ្នាជាមួយគ្រូបង្គោល Colum Curtis ខណៈលីគកំពូលកម្ពុជារដូវកាល២០២១មិនទាន់ចប់
ក្ដៅ! ក្លិប Visakha FC - Pride of Cambodia ប្រកាសចែកផ្លូវគ្នាជាមួយគ្រូបង្វឹកលោក Colum Curtis ទាំងដែលការប្រកួតប្រជែងក្នុងពានសរង្វាន់ Metfone Cambodian League រដូវកាល២០២១ មិនទាន់បញ្ចប់ផងនោះ។
សេចក្ដីថ្លែងការណ៍របស់ក្លិបសរសេរថា៖ " ពួកយើងទាំងអស់គ្នា សូមអរគុណលោកគ្រូ Curtis Colum Gerard សម្រាប់ការខិតខំប្រឹងប្រែងជួយក្លិបរបស់យើងកន្លងមក ។ តាងនាមគ្រួសារបាល់ទាត់ វិសាខា សូមជូនពរលោកគ្រូ Colum ជួបតែសំណាងល្អ និងទទួលបានជោគជ័យក្នុងអាជីពនាថ្ងៃអនាគត"។
ក្នុងអត្ថន័យសរសេរបែបនេះមានន័យថា គ្រូបង្វឹករូបនេះនឹងចាកចេញពីតំណែងគ្រូបង្គោលរបស់ក្លិបមួយនេះហើយ។ ក្នុងរដូវកាល២០២១នេះ គ្រូបង្វឹកសញ្ជាតិអៀរឡង់ខាងជើងដឹកនាំវិសាខាបាន១៣ប្រកួតឈ្នះ៨ស្មើ៤ និងចាញ់១ប្រកួត មាន២៨ពិន្ទុឈរលេខ៤ក្នុងតារាងលីគគិតត្រឹមសប្ដាហ៍ទី១៥នេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
