Sherwood ថាទៅថ្ងៃមុខ Ronaldo នឹងក្លាយជាអ្នកចាត់ការនៅក្លឹបយក្សមួយនេះ
Cristiano Ronaldo បើនិយាយពីភាពជាអ្នកដឹកនាំក្នុងក្រុម លោកមានតាំងតែពីកាលនៅក្លឹប Real Madrid ហើយចុងក្រោយនេះមកបន្តជើងនៅ Man Utd ជាលើកទី ២ ក៏លោកបានបន្តភាពល្អឥតខ្ចោះផងដែរ ត្បិតស្ថិតក្នុងវ័យ ៣៦ ឆ្នាំហើយក៏ដោយ។
គ្រប់គ្នាកំពុងរង់ចាំមើលថា CR7 នឹងចូលនិវត្តនៅអាយុប៉ុន្មាន ហើយទៅពេលបន្ទាប់ លោកនឹងបម្រើអាជីពជាអ្នកចាត់ការដែរឬទេ ឬកាត់ផ្តាច់ខ្លួនឯងពីវិស័យបាល់ទាត់ទាំងស្រុងតែម្តង។
យ៉ាងណាតាមការយល់ឃើញរបស់អ្នកវិភាគកីឡាលើប៉ុស្តិ៍ទូរទស្សន៍មួយលោក Tim Sherwood បាននិយាយកន្លងទៅថា៖ "Ronaldo តែងតែមានការជជែក ពិភាក្សាមិនថាជាមួយ Varane ជាកីឡាករឈ្នះគ្រប់យ៉ាង ជាមួយ Paul Pogba ជាម្ចាស់ជើងឯក World Cup ដោយមនុស្សដូចជា Ronaldo គេនឹងលេងរហូតដល់ ជើងរបស់គេប្រាប់ថាទៅមុខលែងរួច"។
លោកសង្កត់ធ្ងន់៖ "បន្ទាប់មក Ronaldo គេនឹងក្លាយជាអ្នកហ្វឹកហាត់ ខ្ញុំជឿថាគេអាចធ្វើបាន គេសក្តិសមនឹងក្លាយជាអ្នកចាត់ការរបស់ក្លឹប Manchester United ដោយខ្ញុំជឿជាក់ច្បាស់ណាស់ថាអាចកើតឡើងបាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
