មួយឃ្លាយ៉ាងខ្លីរបស់ Haaland ពេលស៊ុត៣គ្រាប់ម្នាក់ឯងឱ្យន័រវេសឈ្នះជម្រើសជាតិហ្គីលប្រាតា៥ទល់១
កាលពីយប់ថ្ងៃច័ន្ទឈានចូលថ្ងៃអង្គារ ក្រុមជម្រើសជាតិន័រវែសបានយកឈ្នះក្រុមជម្រើសជាតិហ្គីប្រាល់តា ៥-១ ក្នុងវគ្គជម្រុះ World Cup តំបន់អឺរ៉ុប។ ពិតណាស់ Erling Haalandបានលេខឈ្មោះក្នុងទំព័រមុខរបស់កាសែតធំៗជាថ្មីម្តងទៀត បន្ទាប់ពីគាត់រកបានគ្រាប់បាល់ Hat-Trick ទល់នឹងក្រុម មួយនេះ។
នេះមានន័យថា ខ្សែប្រយុទ្ធក្លិប Borussia Dortmund ស៊ុតបញ្ចូលទី ១២ គ្រាប់ក្នុង ១៥ ប្រកួតសម្រាប់ក្រុមជម្រើសជាតិរបស់គាត់។ ផ្ទុយទៅវិញ Lionel Messi ត្រូវការ ៣៦ ប្រកួតសម្រាប់អាហ្សង់ទីន ដើម្បីឈានដល់ចំនួននេះខណៈដែល Cristiano Ronaldo ធ្វើបាន១២គ្រាប់នេះ ពេលលេងបាន ៣៤ ប្រកួត។
ទោះបីជាយ៉ាងណាក៏ដោយ! Haaland នៅតែមិនពេញចិត្តនឹងកំណត់ត្រារបស់គាត់ ចំពោះការប្រឹងប្រែងឱ្យជម្រើសជាតិន័រវែស។ គាត់បានប្រាប់ទូរទស្សន៍ TV 2 បន្ទាប់ពីការប្រកួតថា៖"
"ខ្ញុំមិនបានស៊ុតគ្រាប់បាល់គ្រប់គ្រាន់ទេ! តាមគំនិតរបស់ខ្ញុំ ខ្ញុំគួរតែមានចំនួនគ្រាប់បាល់ច្រើនជាងចំនួនប្រកួត"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
